70-hadovuju žančynu z Homiela pasadzili za kamientary. Heta samaja pažyłaja palitźniavolenaja
Safiju Bačurynskuju asudzili da źniavoleńnia ŭ kałonii pa čatyroch palityčnych artykułach i zaličyli ŭ «ekstremisty». Joj pahražała da šaści hadoŭ.
Safii Bačurynskaj z Homiela 70 hadoŭ. Apošnija hady jana zajmałasia sietkavym markietynham.
Safija žyvie aktyŭnym žyćciom. Jana lubić padarožžy i za apošnija hady pabyvała ŭ niekalkich krainach ES i Ukrainie. Jašče adno chobi žančyny — malavańnie.
Bačurynskuju zatrymali ŭ śniežni 2024 hoda. A ŭ 2025 asudzili pa čatyroch artykułach — «abraza Łukašenki» (č. 1 art. 368 KK), «paklop na Łukašenku» (č. 2 art. 367 KK), «abraza pradstaŭnika ŭłady» (art. 369 KK) i «ŭvachodžańnie ŭ skład ekstremisckaha farmiravańnia» (č. 3 art. 361-1 KK). Joj pahražała da šaści hadoŭ kałonii.
Sutnaść abvinavačańniaŭ nieviadomaja, ale vyhladaje, što sprava ŭ kamientarach u telehramie. Akaŭnt žančyny byŭ nie abaronieny i całkam adkryty, tamu siłavikam było nieskładana jaje identyfikavać.
Safii Bačurynskaj prysudzili pakarańnie, źviazanaje z pazbaŭleńniem voli. Prysud ustupiŭ u siłu. Siońnia jaje dadali ŭ śpis «ekstremistaŭ» MUS.
Bačurynskaja ciapier — samaja pažyłaja palitźniavolenaja siarod žančyn za kratami. Raniej heta była Iryna Mielchier, asudžanaja pa spravie Aŭtuchoviča.
«Naša Niva» — bastyjon biełaruščyny
PADTRYMAĆCiapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały77
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały7
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary