Indyja budzie kuplać naftu ŭ Rasii nie zvažajučy na papiaredžańni Trampa
Indyjskija pradpryjemstvy, niahledziačy na pahrozu prezidenta ZŠA Donalda Trampa ab uviadzieńni suprać krainy druhasnych sankcyj za zakupku rasijskaj nafty, praciahnuć rabić pastaŭki z Rasii, piša The New York Times sa spasyłkaj na dvuch vysokapastaŭlenych indyjskich čynoŭnikaŭ. Ułady Indyi, pavodle ich słoŭ, nie davali kampanijam nijakich instrukcyj spyniać impart rasijskaj nafty.
Donald Tramp raniej papiaredziŭ, što ŭviadzie 100% myty na tavary z krain, jakija praciahvajuć nabyvać rasijskija enierharesursy (u tym liku Indyja, Kitaj i Turcyja), kali Rasija nie spynić vajnu va Ukrainie da 8 žniŭnia. Z-za rasčaravańnia ŭ dziejańniach Pucina jon navat skaraciŭ hety termin da 10 dzion.
Na fonie cisku z boku ZŠA niekalki bujnych indyjskich naftapierapracoŭčych zavodaŭ, jakija zabiaśpiečvajuć bolš za 60% pierapracoŭčych mahutnaściaŭ krainy, časova spynili zakupki rasijskaj nafty. Ale aficyjna palityka Indyi nie źmianiłasia.
Tramp taksama zajaviŭ, što čuŭ, nibyta Indyja ŭžo spyniła impart rasijskaj nafty, ale sam pryznaŭsia, što nie ŭpeŭnieny, ci heta praŭda.
Paśla pačatku vajny va Ukrainie Indyja stała najbujniejšym pakupnikom rasijskaj nafty ŭ śviecie, skaraciŭšy zakupki ŭ krainach Blizkaha Uschodu i Afryki na karyść tańniejšaj nafty z Rasii.
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary
[Zredahavana]