Pavodle słoŭ dziaržaŭnaha sakratara ZŠA, sustreča budzie nasić aznajamlenčy charaktar.
Dziaržaŭny sakratar ZŠA Marka Rubia zajaviŭ, što zapłanavanaja na piatnicu sustreča Donalda Trampa z Uładzimiram Pucinym na Alascy nie źjaŭlajecca pieramohaj dla Kramla i nie pavinna ŭsprymacca jak sastupka Rasii.
Pavodle jaho słoŭ, sustreča budzie nasić aznajamlenčy charaktar, padčas jakoj Tramp imkniecca dać ułasnuju acenku situacyi, «hladziačy hetamu čałavieku ŭ vočy». Pra heta dziaržaŭny sakratar ZŠA Marka Rubia zajaviŭ u intervju Sidu Rozienbierhu ŭ padkaście Sid & Friends in the Morning, piša «Ukrainskaja praŭda».
«Dla prezidenta Trampa sustreča — heta nie sastupka. Kali pahladzieć naviny, to bačyš, jak ludzi varjaciejuć: «O, jakaja pieramoha dla Pucina; jon atrymaŭ sustreču!». Jon sam hetaha tak nie ŭsprymaje. Sustreča — heta toje, što vy robicie, kab vyśvietlić pazicyi i pryniać rašeńnie. «Ja chaču mieć usie fakty. Ja chaču pahladzieć hetaj asobie ŭ vočy». I mienavita heta prezident choča zrabić».
Rubia adznačyŭ, što piatničnaja sustreča na Alascy budzie mieć aznajamlenčy charaktar, i ŭžo na jaje «pačatku my zrazumiejem, ci jość naohuł šaniec na pośpiech, ci nie».
Dziaržsakratar padkreśliŭ, što Tramp maje reputacyju «vyklučnaha majstra zaklučeńnia ździełak» i «nievierahodnaha pieramoŭščyka», čyj padychod asabliva efiektyŭny padčas asabistaj razmovy.
Sustreča prezidentaŭ Rasii i ZŠA Uładzimira Pucina i Donalda Trampa pavinna prajści ŭ piatnicu 15 žniŭnia na Alascy.
Jana adbudziecca na sumiesnaj vajskovaj bazie VPS i Suchaputnych vojskaŭ ZŠA «Ełmiendorf-Ryčardsan» u Ankorydžy, paviedamiŭ telekanał CNN sa spasyłkaj na krynicy ŭ Biełym domie.
-
Słon ź miortvym słanianiom, kajot u San-Francyska, puma na aharodžy… Voś jakija raboty stali sioletnimi pieramožcami konkursu «Fatohraf hoda dzikaj pryrody»
-
Iłan Mask: Starlink nielha vykarystoŭvać dla nastupalnych dziejańniaŭ, a chutkaść i paramietry vajskovych terminałaŭ vyznačajuć Pientahon i Tramp
-
Dla ŭjezdu ŭ Kazachstan biełarusam treba budzie zapytvać propusk za try dni
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary
A rubio prosto podstraivajetsia pod łapidarnuju hienialnosť trampa. Tiem boleje, čto Riespublikanskaja Partija pod siemiejnym, finansovym kontrolem sieḿji trampa.
Trampu nužna sdiełka s putinym za sčiot kapitulacii Ukrainy, no, kotoraja (sdiełka) dołžna učityvať i sochraniť ličnuju vyhodu trampa v sotrudničiestvie s putinym.
Rośsija - aktiv dla Trampa, Ukraina niet.