Bolš za 130 firm ź siami krain biaruć udzieł u Biełaruskim budaŭničym tydni
Bolš jak 130 firm ź siami krain biaruć udzieł u Biełaruskim budaŭničym tydni, što adkryŭsia 20 krasavika ŭ vystavačnym kompleksie na praśpiekcie Pieramožcaŭ u Minsku. U ramkach tydnia pradstaŭleny śpiecyjalizavanyja vystavy «Vokny. Dźviery. Dachi» i «Manalit. Budaŭničaja technika».
Jak adznačyŭ na cyrymonii adkryćcia vystavy načalnik hałoŭnaha ŭpraŭleńnia navukova‑techničnaj palityki i licenzavańnia Viačasłaŭ Kańkoŭ, «heta mierapryjemstva dazvolić i padradčykam, i prajekciroŭščykam, i zakazčykam lepš zaryjentavacca na rynku budaŭničych tavaraŭ i pasłuh i dapamoža vybrać najbolej aptymalnyja schiemy svajoj pracy».
Jon taksama adznačyŭ, što «ŭ krainie vyznačany važnyja zadačy pa budaŭnictvie žylla, unikalnych abjektaŭ u Minsku, abłasnych centrach i inšych haradach, pa naviadzieńni paradku na ziamli i palapšeńni jakaści budaŭnictva». Pavodle słoŭ Kańkova, «staić taksama važnaja zadača pa źnižeńni spažyvańnia enierharesursaŭ za košt budaŭnictva enierhaefiektyŭnaha žylla. Pačynajecca budaŭnictva enierhapasiŭnych damoŭ, adbudziecca mižnarodnaja kanfierencyja pa budaŭnictvie intelektualnych damoŭ».
Pavodle słoŭ dyrektara departamienta pa źniešnieekanamičnaj dziejnaści MZS Valeryja Sadochi, «kankurencyja na rynku budaŭničych pasłuh vielmi žorstkaja». «U hetym my pierakonvajemsia, robiačy šmatlikija sproby vyjści na rynak Rasii», — padkreśliŭ jon. Razam z tym čynoŭnik adznačyŭ vialikija płany pa budaŭnictvie abjektaŭ u Vieniesuele. «Supracoŭnictva z hetaj krainaj nabyvaje stratehičnaje značeńnie. U Vieniesuele my pačynajem budaŭnictva žylla, zboračnuju vytvorčaść traktaroŭ MTZ i aŭtamabilaŭ MAZ», — skazaŭ Sadocha.
Vystava budzie pracavać da 23 krasavika.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka1
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2323
Kamientary