«Ukrainskija dzieci nie vinavatyja ŭ tym, što robić były akcior». U Vienhryi zajavili, što mohuć spynić pastaŭki elektryčnaści ŭ Ukrainu, ale pakul nie buduć
Ministr zamiežnych spraŭ Pieter Sijarta zajaviŭ, što 40% ukrainskaha impartu elektraenierhii prypadaje na Vienhryju.
Kiraŭnik MZS Vienhryi Pieter Sijarta znoŭ vykazaŭ abureńnie ŭkrainskimi ŭdarami pa naftapravodzie «Družba». Na hety raz jon raskrytykavaŭ asabista prezidenta Ukrainy.
Sijarta zajaviŭ, što elektraenierhija ź Vienhryi składaje 30-40% usiaho ŭkrainskaha impartu elektraenierhii. I namiaknuŭ, što Budapiešt moh by spynić pastaŭki, piša magyarnemzet.hu.
«Ź Vienhryi ŭ kirunku Ukrainy taksama ažyćciaŭlajecca pastaŭka šerahu enierhanośbitaŭ. Siarod ich vyłučajecca elektraenierhija, jakaja štomiesiac składaje ad 30 da 40 pracentaŭ ukrainskaha impartu elektraenierhii. Padumajcie sami: kali b, skažam, vypała 30—40 pracentaŭ impartu elektraenierhii jakoj-niebudź krainy, da čaho b heta pryviało?» — skazaŭ Sijarta.
Ministr zamiežnych spraŭ pry hetym adznačyŭ, što Budapiešt pakul nie budzie spyniać ekspart elektryčnaści ŭ Ukrainu, tamu što nie žadaje zła ŭkraincam.
«Voś u čym sprava: ukrainskija ludzi nam nie pryčynili zła, my ž nie chočam zła ŭkrainskamu narodu, my nie chočam zła ŭkrainskim siemjam, my nie chočam, kab u ŭkrainskaj kvatery, dzie žyvuć maleńkija dzieci, nie było aciapleńnia abo nie było enierhii. To bok my vyšej hetaha, i mienavita heta pakazvaje nadzvyčaj nizki ŭzrovień maralnych standartaŭ ukraincaŭ, što jany nie zadumvajucca pra toje, što enierhazabieśpiačeńnie krainy — heta nie pra ŭrad, nie pra premjer-ministra, nie pra ministraŭ, a enierhazabieśpiačeńnie krainy — heta pra ludziej, siemji, dziaciej, jakija tam žyvuć.
My nie chočam, kab u ŭkrainskaj kvatery, dzie žyvuć maleńkija dzieci, nie było aciapleńnia, tamu što hetyja dzieci nie vinavatyja ŭ tym, što były akcior, jaki ciapier źjaŭlajecca ich prezidentam, pavodzić siabie tak abo inakš», — zajaviŭ Sijarta.
U vyniku ŭkrainskich udaraŭ pa naftapravodu «Družba» Vienhryja i Słavakija, jakija adzinyja ŭ Jeŭropie pryncypova admaŭlajucca pazbaŭlacca ad zaležnaści ad rasijskaj trubapravodnaj nafty, apynulisia časova adrezanyja ad jaje pastavak. Premjer-ministr Vienhryi Viktar Orban navat skardziŭsia na dziejańni Ukrainy prezidentu ZŠA Donaldu Trampu.
Ministr zamiežnych spraŭ Słavakii Juryj Błanar pahraziŭ, što paśla udaraŭ Uzbrojenych sił Ukrainy pa naftapravodzie jaho kraina moža skaracić pastaŭki Ukrainie dyzielnaha paliva. Jon nahadaŭ, što słavacki NPZ «Słaŭnafta» pracuje na rasijskaj nafcie.
Ciapier čytajuć
Biełaruski čynoŭnik zahavaryŭ pa-biełarusku, čym vielmi ździviŭ i paradavaŭ ludziej13
Kamientary