Na kancert «Dobry fest» 22 krasavika, srodki ad jakoha pojduć dzieciam‑invalidam, pradadziena ŭsiaho niekalki dziasiatkaŭ kvitkoŭ.
Na kancert «Dobry fest» 22 krasavika, srodki ad jakoha pojduć dzieciam‑invalidam, pradadziena ŭsiaho niekalki dziasiatkaŭ kvitkoŭ.
Na Zachadzie dabračynnaść — norma žyćcia. Čamu ŭ Biełarusi ludzi tak nieachvotna adhukajucca na zakliki dapamahčy abiazdolenym?
Niedachopu ŭ rekłamie «Dobraha festu» niama — jana idzie i ŭ mietro, i na «Aŭtaradyjo», i ŭ internecie, i na sajcie «NN». U abviestkach padkreślivajecca, što, nabyvajučy bilet, naviednik nie tolki atrymaje asałodu ad jakasnaj muzyki, ale i dapamoža dzieciam‑invalidam z Červieńskaha doma‑internata. Aproč taho, kožny hladač zmoža zrabić darunki: prynieści cacki, farby, albomy dla malavańnia dy inšyja patrebnyja dzieciam rečy.
Dyj kancert sam saboju varty — udzieł biaruć hurty pieršaha ešałona: IQ48, Neuro Dubel, «Pałac».
«Pa‑pieršaje, ludziam na siabie hrošaj nie staje, — ličyć tele‑ i radyjoviadučaja Tamara Lisickaja, viadomaja dabračynnymi akcyjami ŭ internecie. — Pa‑druhoje, u nas składany miechanizm pieraličeńnia hrošaj. U dabračynnaści šmat značyć paryvańnie — siońnia čałaviek pračytaŭ infarmacyju pra chvoraje dzicia, zapaliŭsia žadańniem, a zaŭtra ŭžo zabyŭ, nie dajšoŭ da banka. A kali b była ŭ kožnaha mahčymaść, naprykład, pieraličvać hrošy z dapamohaj mabilnika, karystacca vieb‑kašalkom, było b inakš».
Spadarynia Lisickaja ličyć, što situacyja z «Dobrym festam» vynikaje i z ahulnaha stanovišča z muzyčnaj kulturaj u krainie: «Mały miedyjny rynak, u jakim mała zapatrabavanyja niešmatlikija jakasnyja hurty, niama ratacyi słuchačoŭ, prychilnikaŭ…
I ahulnaje pahardlivaje staŭleńnie «da svajho», — kaža jana.
Arhanizatary festu miarkujuć, što adyhraŭ rolu niepamysny źbieh abstavinaŭ: vialikija vychodnyja i trahiedyja ŭ Polščy, jakaja mocna ŭskałychnuła ludziej.
Jany spadziajucca, što aktyŭnaje nabyćcio kvitkoŭ pačniecca, jak zvyčajna, u apošnija pierad kancertam dni.
-
Rasijski servis nie raźmiaściŭ biełaruskamoŭnuju pieśniu — paličyŭ, što trek prapahanduje nacyjanalizm ci hvałt
-
Queen pradaŭ svoj muzyčny katałoh za $1,27 miljarda — heta rekordnyja hrošy ŭ muzyčnaj śfiery
-
«Dałaś tiebie vot eta Polša, v RB zarpłata bolšie». Štučny intelekt napisaŭ prapahandyscki chit
Kamientary