Tramp vydaŭ ukaz, jaki dazvalaje karać krainy, što niepravamierna zatrymlivajuć amierykancaŭ
U piatnicu prezident ZŠA Donald Tramp padpisaŭ vykanaŭčy ŭkaz, jaki zasnoŭvaje abaznačeńnie dla dziaržaŭ — sponsaraŭ niepravamiernych zatrymańniaŭ, — krok, jaki dazvolić ZŠA karać krainy, jakija niezakonna zatrymlivajuć hramadzian ZŠA abo biaruć ich u zakładniki.
Inicyjatyva nakiravanaja na skaračeńnie kolkaści amierykancaŭ, jakija vybieruć pajezdki ŭ takija krainy, a taksama na padachvočvańnie kiraŭnikoŭ hetych krain nieadkładna vyzvalić hramadzian ZŠA, jakija znachodziacca tam pad vartaj, paviedamiła CBS News.
Pa ŭzory miechanizmu pryznańnia dziaržaŭ sponsarami teraryzmu hetaja miera pradastavić Dziarždepartamientu instrumienty-uklučajučy sankcyi, ekspartny kantrol i abmiežavańni na pajezdki dla hramadzian paznačanych krain — kab karać dziaržavy, jakija vykarystoŭvajuć zatrymanych amierykancaŭ jak palityčny ryčah, a taksama, patencyjna, uvodzić hieahrafičnyja abmiežavańni na vykarystańnie pašparta ZŠA.
«Takim čynam, nievierahodny nabor instrumientaŭ, jakimi my majem jak samaja mahutnaja nacyja ŭ śviecie i jakija ŭžyvajem da dziaržaŭnych sponsaraŭ teraryzmu, — ciapier dastupny nie tolki suprać tych, chto spansuje teraryzm naŭprost ci praz pasiarednikaŭ, ale budzie taksama dastupny i dla vykarystańnia suprać tych dziaržaŭ, jakija niepravamierna zatrymlivajuć našych hramadzian, — skazaŭ vysokapastaŭleny pradstaŭnik administracyi. — Nie abaviazkova finansavać CHAMAS, «Chiezbału», abo «Al-Kaidu». Možna prosta sprabavać niepravamierna vykarystoŭvać našych hramadzian».
Urad ZŠA nie raskryvaje kolkaść amierykancaŭ, zatrymanych za miažoj. Pa dadzienych Fondu Foŭli (Foley Foundation), pravaabarončaj arhanizacyi, prynamsi 54 hramadzianiny ZŠA ŭ 2024 hodzie ŭtrymlivalisia ŭ jakaści zakładnikaŭ abo byli niepravamierna zatrymanyja ŭ 17 krainach, udakładniaje CBS News.
Zaraz Dziarždepartamient publikuje apaviaščeńni z čatyrma ŭzroŭniami ryzyki dla amierykancaŭ, jakija płanujuć mižnarodnyja pajezdki; samy vysoki — «Uzrovień 4: nie padarožničać». U śpisie «nie padarožničać» 21 kraina, uklučajučy Biełaruś. Dla niekalkich z hetych krain niepravamiernyja zatrymańni paznačanyja jak ryzyka dla padarožnikaŭ, u tym liku Iran, Afhanistan, Rasija, Vieniesueła i Paŭnočnaja Kareja, zaŭvažaje Reform.news.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały77
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały7
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary