«Pieramoha budzie za tymi, chto šanuje svabodu i praŭdu». Cichanoŭskaja pavinšavała z Dniom biełaruskaj vajskovaj słavy
Bolš za piaćsot hadoŭ tamu adbyłasia bitva pad Voršaj — adzin z klučavych momantaŭ u historyi biełarusaŭ, kali našyja prodki abaranili svaje ziemli ad zachopnikaŭ Maskoŭskaj dziaržavy. Lidarka apazicyi Śviatłana Cichanoŭskaja pavinšavała z Dniom biełaruskaj vajskovaj słavy.
«Historyja paŭtarajecca: navat praz stahodździ my vymušanyja znoŭ prachodzić praz padobnyja kanflikty, adstojvać ziemli susiedziaŭ i svoj suvierenitet. Ale, jak i piaćsot hadoŭ tamu, pieramoha budzie za tymi, chto šanuje svabodu i praŭdu, chto zdolny jadnacca pierad tvaram voraha i dapamahać adno adnamu», — kaža Cichanoŭskaja.
Jana nahadvaje, što ŭžo try z pałovaj hady praciahvajecca poŭnamaštabnaje ŭvarvańnie va Ukrainu, i ŭvieś hety čas biełarusy z pałka Kalinoŭskaha i inšych farmavańniaŭ u šerahach ZSU mužna zmahajucca za ŭkrainskija ziamli, niahledziačy na niebiaśpieku i straty.
Jana dadaje, što ŭžo praź niekalki dzion pačynajucca novyja vučeńni «Zachad-2025». Padčas ich buduć adpracoŭvacca scenary vykarystańnia jadziernaj zbroi. Zachopnickija ambicyi Rasii nie źnikajuć, a tolki ŭzrastajuć, i my, biełarusy, žyviom na samaj miažy hetych pahrozaŭ.
«Siońnia jak nikoli važna ŭśviedamlać kaštoŭnaść biełaruskaj niezaležnaści. Niezaležnaść — heta harantyja biaśpiečnaj budučyni dla našych dziaciej, mahčymaść žyć u krainie, dzie pavažajuć čałaviečuju hodnaść i šanujuć svaju spadčynu. Tolki ad nas zaležyć, ci budzie Biełaruś svabodnaj i mirnaj», — kaža jana.
Ciapier čytajuć
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam14
Kamientary