U Niepale ludzi masava vyjšli pratestavać suprać zabarony sacsietak, palicyja rasstralała demanstracyju
U stalicy Niepała Katmandu 8 vieraśnia vybuchnuli kryvavyja pratesty paśla taho, jak ułady krainy zabłakavali 26 sacyjalnych sietak, u tym liku Instagram, Facebook, YouTube i X. Zabarona zakranuła najpierš moładź, tamu ŚMI ŭžo nazvali pratesty «paŭstańniem pakaleńnia Z», paviedamlaje Reuters.
Na minułym tydni ŭłady Niepała zabłakavali šerah papularnych sacsietak, jakija admovilisia prachodzić dziaržaŭnuju rehistracyju. Pad zabaronu trapili Facebook, X, YouTube i inšyja. Aficyjnaj pryčynaj nazvali «baraćbu z machlarstvam».
Pakolki internetam u krainie karystajucca kala 90% nasielnictva (z 30 miljonaŭ čałaviek), rašeńnie zakranuła amal usich. Heta vyklikała masavyja pratesty moładzi i studentaŭ, jakija atrymali nazvu «paŭstańnie pakaleńnia Z». Dziasiatki tysiač vyjšli na vulicy z łozunhami «Zakryjcie karupcyju, a nie sacsietki» i «Razbłakujcie sietki». Jany pasprabavali prarvacca da parłamienta.
Palicyja ŭžyła ślezatačyvy haz, vadzianyja harmaty, humovyja kuli i navat bajavyja patrony. Pavodle paviedamleńniaŭ ŚMI, zahinuli nie mienš za 14 čałaviek, jašče bolš za 50 byli paranienyja, ale aficyjna hetyja danyja pakul nie paćvierdžanyja.
Ciapier va ŭradavym kvartale Sinhcha Durbar uviedzieny kamiendancki čas, lubyja schody i demanstracyi zabaronienyja. Dla padtrymki palicyi ŭ horad uviali armiju.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ85
Kamientary