Siłaviki zatrymali paru, jakaja zasnavała adzin z najbujniejšych taksaparkaŭ krainy
Pa padazreńni va ŭchileńni ad upłaty padatkaŭ zatrymanyja muž i žonka — zasnavalniki adnaho z najbujniejšych taksaparkaŭ krainy, a taksama čaćviora mieniedžaraŭ kampanii, paviedamiła pres-słužba MUS.
Pa viersii milicyi, kamiercyjnaja struktura, u jakoj pracavali bolš za tysiaču kiroŭcaŭ, «adlustroŭvała ŭ buchhałtarskim uliku značna zanižanyja sumy zarobku rabotnikaŭ, faktyčna vypłačvajučy im zarobak «u kanviertach» albo naličvajučy hrošy pad vyhladam kampiensacyi fiktyŭnych vydatkaŭ na paliva abo absłuhoŭvańnie aŭtamabila».
«Da spravazdač prymacoŭvalisia fiktyŭnyja čeki, vadzicieli pracavali biez taksimietraŭ i kasavych aparataŭ, kvitancyi klijentam nie vydavalisia. U vyniku firma niedapłaciła ŭ biudžet dziaržavy kala piaci miljonaŭ rubloŭ. Atrymany i abnaličany zvyšprybytak traciłasia na nabyćcio elitnaj nieruchomaści, transpartnych srodkaŭ biznes-kłasa, pradmietaŭ raskošy», — śćviardžajuć u MUS.
Kab paźbiehnuć mahčymaj padatkovaj pravierki, taksapark naminalna źmianiŭ jurydyčny adras. Padobnuju supraćpraŭnuju dziejnaść fihuranty «viali i pry kiraŭnictvie tryma raniej likvidavanymi tak zvanymi čornymi taksaparkami, pieraaformlenymi na padstaŭnych asob — zamiežnikaŭ».
«Padčas ahladu ŭ siamiejnaj pary kanfiskavanyja darahija aksesuary, try zamiežnyja aŭtamabili, vialikaja suma najaŭnych. Taksama siarod rečaŭ znojdziena instrukcyja, jak pavodzić siabie padčas dopytu ŭ pravaachoŭnych orhanach», — adznačyli ŭ MUS.
Śledčymi zaviedziena kryminalnaja sprava.
Ciapier čytajuć
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci3
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary