U vieraśni 2024 hoda jon byŭ asudžany na čatyry hady kałonii. Ale paśla termin pierahledzieli. 2 vieraśnia Ihar Mielnikaŭ vyjšaŭ na volu. Pra jaho vyzvaleńnie paviedamiła «Viasna».
Ihara Mielnikava zatrymali ŭ studzieni 2024 hoda ŭ toj ža čas, kali adbyłasia abłava na salidarnych z palitviaźniami.
Sud nad im pačaŭsia 10 vieraśnia 2024 hoda ŭ Minskim haradskim sudzie. Jaho abvinavačvali ŭ «sadziejničańni ekstremisckaj dziejnaści» (č. 1 art. 361-4 KK). Maksimalnaje pakarańnie pa hetym artykule składała šeść hadoŭ kałonii, minimalnaje — chimija.
Mielnikavu dali 4 hadoŭ kałonii. Paśla Viarchoŭny sud razhladaŭ jaho apielacyju i źmienšyŭ termin da 2 hadoŭ, tamu 2 vieraśnia 2025 hoda historyk vyjšaŭ na volu.
Iharu Mielnikavu 44 hady. Rodam jon z Babrujska. Skončyŭ histaryčny fakultet Biełaruskaha dziaržaŭnaha piedahahičnaha ŭniviersiteta imia Maksima Tanka (2002) i Varšaŭski ŭniviersitet (2005). U 2011 hodzie atrymaŭ stupień kandydata histaryčnych navuk.
Jak raniej pisała «Naša Niva», Ihar śpiecyjalizavaŭsia na historyi Zachodniaj Biełarusi ŭ składzie Polščy dy vajennaj historyi, vydaŭ paŭtara dziasiatka knih pa temie.
U historyka była nieadnaznačnaja reputacyja ŭ prafiesijnych kołach. Jon pačynaŭ z zachodnierusizmu, adtul pieraskočyŭ u pałanafilstva, ale ŭrešcie pryjšoŭ u padkreślenuju biełaruskaść.
Mielnikaŭ krytykavaŭ kaleh, a jany zakidali jamu kanjunkturnaść. Kali ŭ Biełarusi naładžvalisia adnosiny z Polščaj, jon pisaŭ pra biełaruskich žaŭnieraŭ Vojska Polskaha. A paśla 2020-ha pieraklučyŭsia na inšaje.
Pierad zatrymańniem jon kazaŭ, što rychtuje knihu pad nazvaj «Prystupić da likvidacyi». Pa słovach historyka, jana musiła raspaviadać pra «historyju baraćby savieckich milicyjanieraŭ i čekistaŭ suprać byłych nacysckich pamahatych i kałabaracyjanistaŭ… [i ŭtrymlivać] unikalnyja fakty pra zdradnikaŭ z bataljona «Dalvic», palicyjaŭ i inšych pamahatych nacystaŭ, jakija nie davali viarnuć mirnaje žyćcio ŭ BSSR».
-
«Dziesiacihadovaje dzicia AMAP pakładzie ŭ padłohu?» Treš-błohier Mellstroy adreahavaŭ na pryznańnie siabie ekstremistam
-
Biełarusa niekalki miesiacaŭ pierakidali ad doktara da doktara i nie chacieli špitalizavać, pakul naha nie pačała hnić
-
Cichanoŭskaja nazvała pryznačeńnie Koŭła «abnadziejvajučym krokam»
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary