U Homieli rytualnaje ahienctva zapuściła pasłuhu «trunaterapii» — tam prapanujuć palažać u trunie, kab «adčuć siabie žyvym». Cana pačynajecca ad 500 rubloŭ i zaležyć ad abranaj truny, piša «Minskaja praŭda».
U Homieli niadaŭna abviaścili pra sieansy «trunaterapii» — novaj pasłuhi ad adnaho z rytualnych ahienctvaŭ. Hetaja ideja nie takaja ŭžo i novaja: sens jaje ŭ tym, što žyvy čałaviek imhnienna prachodzić imitacyju pachavańnia z metaj psichaterapii abo samapaznańnia. Klijenta ŭkładajuć u trunu na niekatory čas, kab dapamahčy jamu pieraasensavać žyćcio, zrazumieć jaho kaštoŭnaść i atrymać novyja emocyi.
Padčas sieansu čałaviek lažyć u trunie, nakrytaj viečkam, i słuchaje rassłablalnuju muzyku. Maksimalnaja praciahłaść sieansu — 30 chvilin. Kab atrymać dostup da pasłuhi, klijent pavinien prajści peŭnyja testy i kansultacyju ź psichaterapieŭtam, jakija paćviardžajuć jaho hatoŭnaść. Psichaterapieŭt prysutničaje i padčas samoj pracedury, a paśla jamu možna zadavać pytańni.
Košt sieansu składaje kala 500 biełaruskich rubloŭ, ale moža źmianiacca ŭ zaležnaści ad vybranaj truny. Ahienctva adznačaje, što hatova pašyrać śpiektr pasłuh, kali heta nie budzie supiarečyć zakanadaŭstvu Biełarusi.
Choć pra pasłuhu tolki abjavili, telefony ŭ ahienctvie ŭžo razryvajucca ad pytańniaŭ. Ale pakul achvotnych zakazać praceduru adrazu nie znajšłosia. Spačatku ahienctva choča acanić popyt: kali jon źjavicca, pasłuha zastaniecca. Usie dakumienty padrychtavanyja, zhoda na ŭdzieł u terapii atrymanaja, a testavańnie ź psichaterapieŭtam užo ŭzhodniena. Kali popyt pavialičycca, u ahienctva budzie aficyjna naniaty psichaterapieŭt.
U paraŭnańni z varyjantam, jaki jość u Rasii, homielskaja «trunaterapija» jašče adnosna miakkaja: tam nie prosta kładuć u trunu, ale prapanujuć navat kidać na jaje niekalki žmieniaŭ ziamli dla atmaśfiery. Akramia taho, možna zakazać sapraŭdnuju cyrymoniju raźvitańnia z muzykaj i ŭdziełam blizkich.
U minskaj SDIUŠAR 29-hadovy trenier udaryŭ vučnia — a kali atrymaŭ vymovu, to nieŭzabavie pamior
Rasijskaja turystka ŭ Tajłandzie straciła pamiać i zahavaryła na staražytnaruskaj movie
U Biełarusi buduć rehulavać taryfy na pachavańnie i rytualnyja pasłuhi
U rasijskaj siamji, dzie maci pamierła na mahile ŭdzielnika vajny va Ukrainie, praciahnuŭsia łancužok śmierciaŭ
Kamientary
- Vyłaź, durnaja, jašče nalažyšsia!