Rasija naniesła masiravany ŭdar rakietami i dronami pa Ukrainie. Polšča zakryvała aeraporty Varšavy i Lublina z-za šachiedaŭ
U pavietranaj prastory Ukrainy znachodziłasia bolš za sto bieśpiłotnikaŭ roznaha typu, i rasijanie zapuskali ich jak z paŭnočnaha napramku — z Kurskaj vobłaści, tak i z paŭdniovaha — z Kryma. Polšča źbivała drony nad svajoj terytoryjaj.
Pavietranaja tryvoha była abvieščanaja ŭ 11 abłaściach na poŭnačy, poŭdni i zachadzie Ukrainy, rasijskija šachiedy dalacieli nočču da krajniaha zachadu, i niekalki ź ich pieralacieli miažu z Polščaj».
Mer Łucka Ihar Pališčuk paviedamlaŭ pra dziesiać bieśpiłotnikaŭ, što lacieli na Łuck i inšyja miescy na Vałyni. Łuck — stalica Vałynskaj vobłaści na samym paŭnočnym zachadzie Ukrainy.
Jak paviedamili ŭkrainskija kanały, u pavietranuju prastoru Polščy zalacieli čatyry ci piać bieśpiłotnikaŭ, i Polšča padniała ŭ pavietra źniščalniki i samalot radyjołakacyjnaj raźviedki.
U pavietra padnialisia dzieviać rasijskich stratehičnych bambardziroŭščykaŭ — nośbitaŭ kryłatych rakiet. Z-za ŭvarvańnia rasijskich bieśpiłotnikaŭ u pavietranuju prastoru Polščy, Polšča ŭśled za aeraportam Žešava zakryła aeraport Lublina i abodva aeraporty Varšavy.
U aficyjnych paviedamleńniach dla avijataraŭ havorycca, što aeraporty zakrytyja «ŭ suviazi ź niezapłanavanaj vajennaj dziejnaściu ŭ ramkach zabieśpiačeńnia biaśpieki dziaržavy».
Polskaje apieratyŭnaje kamandavańnie paviedamiła praź sietku X, što ŭ pavietra byli padniatyja nie tolki polskija źniščalniki, ale i samaloty inšych krain NATA. Akramia taho, u stan najvyšejšaj hatoŭnaści byli pryviedzieny naziemnyja siły PPA.
Premjer-ministr Polščy Donald Tusk paćvierdziŭ, što polskija vajskoŭcy nočču źbivali abjekty, jakija parušyli pavietranuju miažu krainy, ale nie skazaŭ, što heta byli rasijskija bieśpiłotniki.
«Idzie apieracyja, źviazanaja z šmatrazovym parušeńniem polskaj pavietranaj miažy. Suprać abjektaŭ armija ŭžyła zbroju. Ja ŭ pastajannym kantakcie z prezidentam i ministram abarony. Atrymaŭ dakład niepasredna ad apieratyŭnaha kamandujučaha», — havorycca ŭ zapisie Donalda Tuska ŭ sietcy X.
Polskija vajskoŭcy abviaścili, što jany i sajuźniki pa NATA padniali ŭ pavietra samaloty i pryviali ŭ poŭnuju bajavuju hatoŭnaść naziemnyja siły SPA.
Pry hetym prama pra rasijskija bieśpiłotniki vajskoŭcy, jak i paźniej Tusk, nie kazali. Ukrainskija manitorynhavyja kanały pišuć, što rasijanie zapuścili z paŭdniovaha napramku rakiety «Kalibr», a ŭsiaho ŭ pavietranaj prastory krainy znachodzicca ŭžo niekalki dziasiatkaŭ kryłatych rakiet.
Kankretnyja dadzienyja pra kolkaść rakiet mocna adroźnivajucca; ukrainskija vajskoŭcy jaje pakul nie nazyvali.
Telehram-kanał Pavietranych sił USU paviedamiŭ pad ranicu pra novyja rakiety, što zajšli ŭ pavietranuju prastoru ŭ Čarnihaŭskaj vobłaści.
«Rasija zapuściła šmat rakiet, taksama praciahvajucca ataki dronami, jakija źjaŭlajucca pahrozaj nie tolki dla našych ludziej. Kraina-teraryst praciahvaje vajnu, chacia pastajanna dekłaruje žadańnie miru», — napisaŭ u svaim telehram-kanale kiraŭnik Ofisa prezidenta Ukrainy Andrej Jarmak.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary
[Zredahavana]