Premjer Polščy prakamientavaŭ zalot bieśpiłotnikaŭ na terytoryju krainy ŭ vyniku abstrełu Rasijaj Ukrainy.
«Minułaj nočču pavietranaja prastora Polščy była parušanaja vielizarnaj kolkaściu rasijskich dronaŭ. Tyja drony, jakija ŭjaŭlali pramuju pahrozu, byli źbity. Ja znachodžusia ŭ pastajannym kantakcie z hienieralnym sakratarom NATA i našymi sajuźnikami», — zajaviŭ premjer-ministr Polščy Donald Tusk u sacsietcy X.
U pavietranaj prastory Polščy akazalisia pa mienšaj miery vosiem rasijskich bieśpiłotnikaŭ, paviedamiŭ prezident Ukrainy Uładzimir Zialenski.
«Maskva zaŭsiody vypraboŭvaje miažu mahčymaha, i kali nie sustrakaje mocnaj reakcyi, zastajecca na novym uzroŭni eskałacyi», — zajaviŭ jon. Zialenski nazvaŭ heta «nadzvyčaj niebiaśpiečnym precedentam dla Jeŭropy».
A 9-j ranicy siońnia ŭ Varšavie była sabranaja rada biaśpieki ŭ suviazi z načnoj situacyjaj.
Dron upaŭ na žyły dom u Polščy
Polskaja palicyja znajšła paškodžany dron pad Biała-Padlaskaj
Polšča źbiraje ekstrannuju radu biaśpieki
«Heta akt vajny»: kanhresmien ZŠA zajaviŭ, što Rasija atakavała NATA
Pavietranuju prastoru Polščy parušyli šmatlikija bieśpiłotniki. Zakryvalisia aeradromy, drony źbivała avijacyja NATA
Kamientary
Važna razumieć, što heta rasiejska-polskaja vajna. I bić pa ahresaru - Rasiei.
Možna hibrydnym sposabam: davać bolš mahutnaj zbroi, techniki, vajskoŭcaŭ Ukrainie i z ukrainskaj terytoryi aktyŭniej bić pa abjektach na terytoryi Rasiei. Robiačy vyhlad, što Polšča nie prymaje ŭdzieł. Vajennaja chitraść.