U Vilni vialiki pažar na hazaschoviščy, evakujujuć žycharoŭ radyusam 1 km
Pracoŭnaja viersija pakul — parušeńnie techniki biaśpieki, ale ŭłady buduć praviarać usie viersii, u tym liku dyviersiju.
U sieradu na ŭskrajku Vilni na stancyi raźlivu zvadkavanaha hazu, dzie viaducca pahruzačnyja pracy, zaharelisia vahony z hazam. Adbylisia vybuchi. Adzin čałaviek zahinuŭ.
Na miesca zdareńnia vyjechali šmatlikija siły ratavalnikaŭ, ale jany kanstatujuć, što patušyć pažar nadzvyčaj ciažka.
Kolki vahonaŭ haryć, aficyjnaj infarmacyi niama. Pieršapačatkova paviedamlałasia pra 8 vahonaŭ.
Pa papiarednich dadzienych, pažar adbyŭsia z-za parušeńnia ŭmoŭ pracy, paviedamiŭ žurnalistam ministr unutranych spraŭ Uładzisłaŭ Kandratovič, ale, pavodle jaho słoŭ, vyvučajucca roznyja viersii.
Vilenskaja meryja papiaredziła, što z-za pažaru ŭ horadzie mahčyma zabrudžvańnie pavietra. Jana paprasiła haradžan nie vychodzić na vulicu i zastavacca doma, nie adčyniajuć fortki, vokny i dźviery.
Tych ža, chto žyvie pobač, naadvarot, paprasili evakuiravacca. Tym, chto žyvie ŭ radyusie adnaho kiłamietra ad miesca zdareńnia, pastupili na telefon adpaviednyja abviestki.
Pakul likvidujuć avaryju tranzitnyja ciahniki buduć chadzić praź Vilniu.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary