Siońnia ŭ Teatry lalek u Minsku musiła adbycca premjera śpiektakla ŭ režysury Jaŭhiena Karniaha «Siostry Hrym». Ale pakaz čornaj kamiedyi admianili «pa techničnych pryčynach», piša Reform.news.
Hledačam prapanoŭvajecca siońnia i ŭ bližejšyja dni zamiest premjery naviedać pastanoŭku «Mroiva». Taksama ŭ afišy zamienieny pakazy śpiektakla ŭ kastryčniku.
«Pa techničnych pryčynach 13 i 14 vieraśnia, a taksama 16, 17 i 30 kastryčnika ŭ 19:00 zamiest śpiektakla «Siostry Hrym» adbudziecca śpiektakl «Mroiva». Zapłanavany na 31 kastryčnika śpiektakl «Siostry Hrym» — admienieny», — adznačajecca ŭ sacsietkach teatra.
Pastanoŭka «Siostry Hrym», jakaja źviartałasia da kultavaha śpiektakla «Intervju ź viadźmarkami», pastaŭlenaha Jaŭhienam Karniaham u 2015 hodzie, brała ŭ pole ŭvahi ŭnutrany śviet žančyny, razvažała pra bol i kachańnie.
«Śpiektakl «Siostry Hrym» uciahvaje hledačoŭ u tajamničy śviet, dzie pačynaješ hladzieć kazku, jakaja raptam abaročvajecca padrabiaznym daśledavańniem žanočaj dušy. Siarod cieniaŭ minułaha źjaŭlajucca try ŭvasableńni žanočaj pryrody, try viedźmy. U kožnaj — svaja historyja. I kožnaja hatovaja joj padzialicca. Realnaść pieraplatajecca z fantazijami. U jarkich, emacyjanalnych manałohach hieraiń čuvać nie tolki siła i abajalnaść, ale i hłyboki bol. Hetyja žančyny nie šukajuć apraŭdańniaŭ — jany prosta chočuć raskazać, jak čakali kachańnia, ale jano tak i nie pryjšło… «Siostry Hrym» — heta razvažańnie pra toje, što značyć być žančynaj, pra toje, što takoje ŭnutranaje śviatło i kachańnie», — prezientavała novy tvory kamanda teatra.
Mierkavałasia, što pierad publikaj paŭstanie aphrejd viadomaj pastanoŭki, jakaja išła na scenie biez małaha šeść siezonaŭ.
Ciapier čytajuć
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary
[Zredahavana]
Davaj nie zdavajsia, pišy jašče, a raptam moža siońnia moder łahadniejšy.