U šatłandskim lesie «afrykanskaje plemia» stvaryła ŭłasnaje karaleŭstva
Try čałavieki — Kofi Ofe z Hany (36 hadoŭ), jaki nazyvaje siabie karalom Atecheche, jahonaja žonka Žan Hašo ź Zimbabve (42 hady), jakaja abviaščaje siabie karalevaj Nandzi, i ich spadarožnica z Techasa Kaura Tejłar (pad imiem Asnat) — ź viasny žyvuć u vakolicach šatłandskaha horada Džedbaro. Heta samazvanaje «afrykanskaje plemia» nazyvaje siabie «Karaleŭstvam Kubała», paviedamlaje Bi-bi-si.
Spačatku hetyja ludzi pastavili łahier na ŭzhorku nad horadam, ale paśla sudovaha rašeńnia ŭ lipieni byli adtul vysielenyja. Paśla taho jany pierabralisia ŭ pryvatny les kala pramysłovaj zony. Uładalniki ziamli praz sud damahlisia ich evakuacyi, i ŭ aŭtorak ranicaj hrupu pabudzili sudovyja vykanaŭcy razam z palicyjaj. Ichnija namioty razabrali, rečy sabrali.
Adnak «plemia» paśla taho tolki pieraniesła łahier litaralna praz aharodžu, usiaho za niekalki mietraŭ ad papiaredniaha miesca. Vyśvietliłasia, što hetaja terytoryja naležyć miascovaj radzie, jakaja ŭžo padała novy pazoŭ u sud, kab vysielić parušalnikaŭ i adtul.
Členy hrupy śćviardžajuć, što takim čynam jany viartajuć ziamlu, nibyta adabranuju ŭ ichnich prodkaŭ 400 hadoŭ tamu, i abviaščajuć stvareńnie «Karaleŭstva Kubała». Miascovyja ŭłady na heta adkazvajuć, što jany parušajuć zakon, bo samavolna zaniali čužuju ziamlu.
Hrupa aktyŭna viadzie staronki ŭ sacsietkach, maje bolš za 100 tysiač padpisčykaŭ u tyktoku i fejsbuku, pryciahvajučy da siabie ŭvahu.
Namieśnik kiraŭnika miascovaj rady Skot Chamiłtan zajaviŭ, što jany nie raz prapanoŭvali hrupie dapamohu, ale «plemia» ihnaruje ŭsie sproby dyjałohu. Tamu miascovyja ŭłady nie mohuć «siadzieć skłaŭšy ruki i dazvalać im parušać zakon».
Bulon na vadzie ź niabožčyka i plavok u znak pavahi: dziŭnyja afrykanskija tradycyi
«U kaho bolšaja łodka, toj i maje racyju». Kuchar ź Biełarusi arhanizuje tury na jachtach i katamaranach pa ŭsim śviecie
U Nihieryi raskryli machlarskuju schiemu z atrymańniem biełaruskich viz
U Centralnym parku Homiela časta śpiavaje afrykaniec. Što za jon?
Krainy Afryki patrabujuć admovicca ad prajekcyi Mierkatara
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary
Treba kab tudy pryjšli kielty ŭ tradycyjnych strojach i bajavych uborach piktaŭ i kaledoncaŭ i dekałanizavali ich jak jany heta rabili z rymlanami 2 tysiačy hod tamu