U svaim asabistym tyktok-akaŭncie 23‑hadovy žłobiniec rekłamavaŭ mahičnyja i akultnyja pasłuhi, pravodziŭ strymy i abiacaŭ chutkaje vyrašeńnie prablem. Najbolšym popytam karystałasia varažba na kartach, źniaćcie psuty, abarona ad niehatyvu, rytuały na ščaście, čystka zołata ad złoha voka i advadžvańnie kachanki ad muža, paviedamlaje Śledčy kamitet.
Pakupniki pasłuh pieraličvali hrošy, ale vyniku ad taho nie bačyli. Tolki niekatoryja ź ich źviarnulisia ŭ milicyju, paśla čaho śledčyja lohka vyśvietlili asobu ašukanca — žłobinca, jaki aficyjna nidzie nie pracuje.
Z kastryčnika 2022 hoda pa luty 2025 hoda jon ašukaŭ nie mienš za 128 čałaviek pa ŭsioj Biełarusi, atrymaŭšy bolš za 32 tysiačy rubloŭ i załaty łancužok. Uzrost achviar — ad 22 da 61 hoda, kožny šosty — mužčyna. Najbujniejšyja sumy pieraličyli 27‑hadovy žychar Bresckaj vobłaści (bolš za 3000 rubloŭ) i 38‑hadovaja minčanka (bolš za 2500 rubloŭ).
Žłobincu vystavili abvinavačvańnie pa č. 3 art. 209 (machlarstva ŭ bujnym pamiery) KK Respubliki Biełaruś, jaho źmiaścili pad vartu.
Kamientary