Biełarusaŭ kličuć na anłajn-kursy pa psichałohii i stvareńni supołak. Usio biaspłatna
Adukacyjny chab «Nacyi lidaraŭ» pravodzić dla biełarusaŭ kursy, kab dapamahčy nabyć viedy pa finansavaj piśmiennaści, psichałahičnaj ustojlivaści, vyrašeńni kanfliktaŭ, śviadomym baćkoŭstvie, ekałohii… Jość i razmoŭnyja kłuby — dla tych, chto choča vučyć biełaruskuju i anhlijskuju movy.
Adukacyjny chab «Nacyi lidaraŭ» byŭ stvorany ŭ 2021 hodzie. Ciapier u kamandzie 40 čałaviek. Siarod ich — ekśpierty pa palitałohii, finansach, psichałohii, kultury i inšych abłaściach.
«Nacyja lidaraŭ» pravodzić biaspłatnyja anłajn-kursy pa samych roznych temach — pa publičnaj palitycy, pravavoj piśmiennaści, kiravańni siamiejnymi finansami i inšych temach. Praciahłaść kursaŭ — adzin-dva miesiacy.
Zaniatki skiravanyja na toje, kab palepšyć žyćcio čałavieka — u emacyjanalnym, finansavym, siamiejnym ci pravavym płanie, — i aryjentavanyja na biełarusaŭ za miažoj. Zvyčajna navučacca prychodziać ludzi 25—55 hadoŭ, jakija chočuć bolš viedać pra kiravańnie siamiejnym biudžetam, raźvićcio ŭłasnaj asoby i psichałahičnuju ŭstojlivaść.
Dziakujučy kursam, udzielniki znachodziać biaspłatnuju dapamohu dla vyrašeńnia mientalnych prablem — naprykład, vyharańnia, vyvučanaj biezdapamožnaści, — šukajuć apory, šlachi pieraadoleć kryzis u emihracyi.
U vodhukach vypuskniki kursaŭ adznačajuć praktykaaryjentavanaść atrymanych viedaŭ.
«Heta nie hołaja teoryja, my budujem kursy tak, kab ludzi razumieli, što jany praktyčna atrymajuć u žyćci, jak jany mohuć svajo žyćcio palepšyć», — kažuć siabry kamandy.
Aproč kursaŭ, u chabie jość roznyja hurtki. Naprykład, dla tych, chto choča praktykavać biełaruskuju movu, abo kłub psichałahičnaj samadapamohi. Jość i kłub vyvučeńnia anhlijskaj movy.
Chab «Nacyja lidaraŭ» byŭ stvorany z metaj umacavańnia hramadzianskaj supolnaści Biełarusi.
«Nam važnaja Biełaruś, my chočam dadomu, dla hetaha treba paśladoŭna źmianiać hramadstva, kab źmieny byli tryvałymi i niezvarotnymi», — dzielicca kamanda svajoj matyvacyjaj da ŭdziełu ŭ prajekcie.
Usie dasiažnyja na hety momant kursy i mahčymaści dla samaraźvićcia šukajcie na sajcie «Nacyi lidaraŭ».
*U Biełarusi miedyjaresursy «Nacyja lidaraŭ» uklučanyja ŭ śpis arhanizacyj, datyčnych da «ekstremisckaj dziejnaści».
-
Dziadok — apazicyjanieram: Zajmajučysia dyskredytacyjaj Ofisa Cichanoŭskaj, vy ljacie vadu na młyn režymu
-
«Marzaluk — heta naš zubr». Jak praŭładny historyk niečakana staŭ trendam dla zumieraŭ u tyktoku
-
«Šatł-bas spačatku spyniŭsia, a potym pačaŭ pavolna kacicca nazad». Biełarus, jaki staŭ vidavočcam avaryi ŭ Tajłandzie, raskazaŭ padrabiaznaści
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary
Chto jany naohuł takija?
A potym vyjšaŭšym niama dzie žyć i što jeści.
RU :
klikať
1) (kričať) kryčać
2) (hromko zvať) klikać, hukać
3) (nazyvať) klikać, zvać
BY :
klikać, ✂; niezak.
Hołasna zvać, prasić pryjści, adhuknucca.
K. na ratunak. K. babulu. K. kurej (padzyvać, sklikać).
Zaprašać ź jakoj-n. metaj.
K. na viasielle. K. na ŭračysty viečar. Zaklikać da jakich-n. dziejańniaŭ.
K. narod na baraćbu.
kaho (što) kim abo (pry pytańni) jak. Nazyvać jakim-n. imiem (razm.).