Žychary Bresta ŭžo pastavili i ŭpryhožyli vysokuju navahodniuju jołku
U minułyja vychodnyja žychary dačnaha pasiołka pad Brestam raptam praniklisia navahodnim nastrojem: u adnym z pryvatnych dvaroŭ z dapamohaj krana ŭpryhožvali vielizarnuju jołku.
Aŭtarka rolika Natalla padpisała jaho tak: «Nie… nu jak by ŭžo i tak, choć 27 vieraśnia ŭsiaho». Na kadrach — niejmaviernaj vyšyni jołka, upryhožanaja źvierchu da nizu tysiačami ahieńčykaŭ.
Niekatoryja kamientatary, vidać, tak praniklisia temaj, što pačali pisać vinšavańni z Novym hodam i žartavać (ci nie) pra toje, što źbirajucca ŭ kramu pa mandaryny.
Žurnalisty Onliner.by źviazalisia ź Michaiłam, jaki stvaraŭ hetuju navahodniuju atmaśfieru, i daviedalisia padrabiaznaści. Pavodle jaho słoŭ, pryvatnuju jołku takoj vyšyni jaho kampanija ŭpryhožvała ŭpieršyniu, chacia pracuje ŭ hetaj śfiery ŭžo šmat hadoŭ.
— Na ŭsio ŭ nas pajšło šeść dzion z ulikam padrychtoŭki. Haspadar doma vyrašyŭ upryhožyć dreva zahadzia — i heta pravilna, bo zimoj zrabić heta było b prablematyčna z-za płyni zakazaŭ i chałodnaha nadvorja.
Pavodle surazmoŭcy, na jołku vyšynioj u 24 mietry pajšło 2 tysiačy mietraŭ hirlandy i 20 tysiač lampačak. Kab jaje ŭpryhožyć, pryjšłosia zadziejničać vyšku i troch čałaviek, uklučajučy prafiesijnaha alpinista. Praca kipieła try dni — z 26 pa 28 vieraśnia.
Rolik z kančatkovym vynikam źniała kaleha Michaiła i vykłała ŭ TikTok. Voś jaskravyja kamientary, što pakinuli pad videa:
- «Ja była hatovaja doma ŭ žniŭni pastavić jołku, kab padniać nastroj».
- «Prosta šok. Dumała, z kastryčnika pačnu ŭpryhožvać jołku… Apiaredzili!»
- «Heta nazyvajecca: kali chaču — tady i śviata».
- «Dajcie chacia b kavuny dajeści».
- «Niejeie, chłopcy, ranavata jak by».
- «Nu što, z Novym hodam, damy i spadary!»
- «Ja jołku zaŭsiody staŭlu 1 listapada, i mnie ŭsio roŭna, chto što pra heta dumaje. Małajčyna čałaviek, adrazu ŭsim nastroj stvaryŭ».
- «Abažaju takich ludziej!»
- «Taksama ŭžo źbirajusia dastavać jołku, choć prybrała tolki ŭ mai».
- «Tak letu ž nie było, jakaja ŭžo roźnica, kali Novy hod».
- «Pajšoŭ pa mandaryny».
Kamientary
Łučšie už postaviť jołku čiem sidieť po tri dnia v avtobusie na hranicie ...