Znakamity miłanski stadyjon «San-Sira» budzie źniesieny. Takoje rašeńnie pryniała haradskaja rada Miłana, jakaja paśla praciahłych dyskusij uchvaliła prodaž areny futbolnym kłubam «Miłan» i «Inter», piša Euronews.
Abodva kłuby majuć namier na miescy 99‑hadovaha stadyjona pabudavać novuju sučasnuju arenu na 71,5 tysiačy miescaŭ. Košt prajekta składaje kala 1,2 miljarda jeŭra.
Haradskija ŭłady prahałasavali za prodaž stadyjona i navakolnych terytoryj za 197 miljonaŭ jeŭra (24 hałasy «za» i 20 «suprać»). Abmiarkoŭvali pytańnie amal 12 hadzin. «Miłan» i «Inter» navat papiaredžvali, što mohuć pieranieści budaŭnictva za miežy horada, kali płan nie atrymaje ŭchvaleńnia.
U sumiesnaj zajavie kłuby nazvali hetaje rašeńnie «histaryčnym krokam dla budučyni kamandaŭ i horada» i padkreślili, što novy stadyjon budzie adpaviadać mižnarodnym standartam.
Razam z tym u Italii ŭźnikajuć sprečki: častka hramadskaści chacieła b zachavać lehiendarny stadyjon, a žurnalisty vykazvajuć aściarohi, što ŭładalniki-karparacyi mohuć u budučyni atrymać prybytak z prodažu ziamli.
Da 10 listapada ździełka pavinna być zavieršanaja, a druhi jarus «San-Sira», jaki isnuje ŭžo 70 hadoŭ, atrymaje achoŭny status jak histaryčny abjekt. Pavodle płana, kala 90% areny budzie źniesiena, ale hety histaryčny frahmient zastaniecca.
Prajektavać novuju arenu buduć architekturnyja biuro Foster + Partners i Manica. Budoŭla stanie častkaj maštabnaj haradskoj rekanstrukcyi płoščaj 281 tysiača kvadratnych mietraŭ.
Novy stadyjon płanujecca adkryć da Jeŭra-2032, jaki Italija budzie prymać razam z Turcyjaj.
Stadyjon «San-Sira», pabudavany ŭ 1925 hodzie, źjaŭlajecca najbujniejšym u Italii (80 tysiač miescaŭ). Jon jašče paśpieje pryniać cyrymoniju adkryćcia Zimovych Alimpijskich hulniaŭ 2026 hoda.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary