Hienštab USU pryhraziŭ Pucinu błekautam u Maskvie ŭ vypadku praciahvańnia ŭdaraŭ pa enierhietycy Ukrainy
«Luboje dziejańnie praciŭnika, nakiravanaje na toje, kab naškodzić našaj krainie, budzie atrymlivać simietryčny adkaz», — zajaviŭ načalnik Hienštaba Ukrainy Andrej Hnataŭ.
Ukraina ŭstroić błekaut u Maskvie ŭ vypadku sprob rasijskaj armii razburyć ukrainskuju enierhietyku i pahruzić krainu ŭ ciemru, zajaviŭ načalnik Hienieralnaha štaba USU Andrej Hnataŭ u intervju «Ukrinfarmu».
«Luboje dziejańnie praciŭnika, nakiravanaje na toje, kab naškodzić našaj krainie, budzie atrymlivać simietryčny adkaz. Całkam pravilna ŭsio skazaŭ prezident [Uładzimir Zialenski], i my znojdziem mahčymaści, znojdziem i zbroju, i praviadziom hetyja apieracyi, jany [Rasija] abaviazkova zrazumiejuć, što takim čynam jany nie dasiahnuć pieravahi», — skazaŭ Hnataŭ.
Na minułym tydni Zialenski paśla sustrečy z prezidentam Donaldam Trampam pryhraziŭ «čynoŭnikam Kramla» ŭdarami z dalokabojnaj zbroi ZŠA.
«Jany pavinny viedać, dzie znachodziacca bambaschoviščy. Im heta nieabchodna», — zajaŭlaŭ kiraŭnik ukrainskaj dziaržavy. Taksama jon papiaredziŭ Kreml pra ŭdary pa enierhietyčnych abjektach: «Kali pahražajuć błekautam, naprykład, stalicy Ukrainy, to pavinny viedać u Kramli, što budzie błekaut u stalicy Rasii».
Ciapier čytajuć
U minskim mietro prachodziać vyprabavańni novyja ciahniki FOTY2
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary