U Novałukomli adkryli rybny kansiervavy zavod. Kažuć, anałahaŭ pradukcyi ŭ Biełarusi niama
U Čašnickim rajonie adkryli Łukomlski kansiervavy zavod, dzie źbirajucca vyrablać, pa zajavach kiraŭnictva, rybnuju pradukcyju vysokaj jakaści.
Mnohafunkcyjanalny kansiervavy zavod aryjentavany na pierapracoŭku presnavodnaj i marskoj ryby, a taksama morapraduktaŭ.
Na pačatkovym etapie na zavodzie płanujuć pierapracoŭvać kala 70 t syraviny ŭ miesiac, a zatym vytvorčyja mahutnaści raźličvajuć naraścić, piša Biełta. Na pradpryjemstvie stvorany 44 rabočyja miescy, u pierśpiektyvie kolkaść piersanału ŭzraście da 70 čałaviek. Ahulny košt prajekta skłaŭ bolš za Br18 młn, uklučajučy kala Br13,5 młn kredytnych srodkaŭ.
Jak adznačyŭ namieśnik dyrektara Łukomlskaha kansiervavaha zavoda Mikałaj Šabunia, asnoŭnym kirunkam pracy zavoda stanie vypusk vysokajakasnaj pradukcyi z ajčynnaj syraviny.
Pradpryjemstva ŭziało ŭ arendu voziera Łukomlskaje, dzie pravodzić zarybleńnie. U hod tut buduć zdabyvać da 50 t ryby.
Akramia taho, dla pryciahnieńnia turystaŭ za košt pradpryjemstva abstalavany miescy dla adpačynku i rybałki i ŭstanoŭleny 60 altanak na bierazie vadajoma.
Marskuju rybu zavodu budzie pastaŭlać rasijski partnior, u jakoha jość svoj fłot, a zdabyča syraviny, naprykład, łasosia, viadziecca na Kamčatcy ŭ ekałahična čystym rajonie. Namieśnik dyrektara pradpryjemstva adznačyŭ, što anałahaŭ pradukcyi Łukomlskaha kansiervavaha zavoda na prastorach Biełarusi niama.
Mikałaj Šabunia raskazaŭ, što asnoŭnym rynkam zbytu pradukcyi stanie ŭnutrany rynak, taksama rybnyja kansiervy buduć pastaŭlacca ŭ krainy JEAES.
Kamientary