Abjom paliva ŭ baku fury nie pavinien budzie pieravyšać 200 litraŭ.
Taki krok, pa słovach ministra finansaŭ krainy Krystupasa Vajciakunasa, dapamoža zmahacca ź niezakonnym uvozam dyziela, piša «Sputnik Litva».
Kiraŭnik Minfina Litvy adznačyŭ, što vialiki abjom paliva ŭvozicca ŭ Litvu z trecich krain, u pryvatnaści ź Biełarusi. Pry hetym bak fury źmiaščaje tonu-paŭtary paliva, i takoje abmiežavańniedapamoža ŭ baraćbie ź nielehalnym uvozam dyziela. Bo, pavodle jaho słoŭ, paliva «nie abaviazkova raschodujecca padčas pajezdki hruzavika».
Krystupas Vajciakunas nahadaŭ, što takija ž miery raspačała Łatvija. U pryvatnaści, z 1 studzienia 2025 hoda hetaja kraina abmiežavała ŭvoz paliva hruzavymi pieravozčykami z trecich dziaržaŭ. Abjom dyziela ŭ baku taksama nie pavinien pieravyšać 200 litraŭ.
Raniej u mytni Litvy paviedamili, što z-za niezakonnaha ŭvozu paliva i ŭchileńnia ad vypłaty dziaržavie nanosicca škoda, jakaja moža dasiahać €20 młn u hod.
Pavodle danych litoŭskaj Dziaržaŭnaj padatkovaj inśpiekcyi, za vosiem miesiacaŭ hetaha hoda ŭ Litvie było pradadziena 1,2 młrd litraŭ dyzielnaha paliva. Heta na 15% mienš, čym za anałahičny pieryjad 2024-ha. Adna z hałoŭnych pryčyn — rašeńnie mižnarodnych pieravozčykaŭ zakuplać paliva ŭ Polščy na fonie značnaha rostu akcyzaŭ u Litvie.
Kamientary
Košt barela nafty ciaham apošniaha miesiaca źlacieŭ, i estonski rynak paliva adreahavaŭ adpaviedna, a ŭ Lijetuvie j Łatvii vyrašyli nahrecca na situacyi, dy treba ž! fury zaminajuć... :)) A nasamreč prodaž prasieła na 15 adsotkaŭ, bo ludzi pry mahčymaści nabyvajuć jaho ŭ Polščy dy Estonii. Ja tak liču.