Novy biełaruski telekanał «Sport TB» pačnie tranślacyju ŭ piatnicu ŭ 16:45
Novy biełaruski telekanał «Sport TB» pačnie tranślacyju 10 kastryčnika. Pra heta žurnalistam paviedamiŭ hiendyrektar STB Alaksandr Asienka, piša BiełTA.
Pavodle jaho słoŭ, na praciahu apošnich dvuch hadoŭ telekampanija aktyŭna viała pieramovy ź mižnarodnymi spartyŭnymi arhanizacyjami i kupiła pravy na peŭny kantent, jaki pakazvaŭsia na telekanałach «STB» i «RTR-Biełaruś». Asablivym popytam karystaŭsia suśvietny futboł.
Na telekanale «Sport TB» zaŭziatary zmohuć sačyć za suśvietnymi spabornictvami pa futbole, tenisie, płavańni, handbole i inšych vidach sportu.
Alaksandr Asienka dadaŭ, što telekanał taksama budzie vyrablać ułasny spartyŭny kantent.
«Na pačatkovym etapie my budziem vykarystoŭvać toj kadravy patencyjał, jaki jość u našaj telekampanii, ale taksama budziem pryciahvać dadatkovyja kadry, jakija majuć dačynieńnie da sportu», — padsumavaŭ jon.
«Sport TB» zojmie svajo miesca na 11‑j knopcy va ŭsich kabielnych apierataraŭ krainy. Efir startuje a 16:45 z tranślacyi adboračnaha pajadynku čempijanatu śvietu pa futbole 2026 Kazachstan — Lichtenštejn.
Nahadajem, što ŭ Biełarusi jość spartyŭny kanał «Biełaruś-5».
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary