U Minsielhascharčy klanucca, što zimu biełarusy pierabuduć na svaich jabłykach
Ministr sielskaj haspadarki i charčavańnia Biełarusi Juryj Horłaŭ paabiacaŭ, što ŭ zimovy siezon 2025—2026 hadoŭ u biełaruskich kramach pieravažna buduć pradavacca jabłyki ŭłasnaj pradukcyi, paviedamlaje BiełTA.
Z-za marazoŭ u mai ŭrad nie atrymaŭ płanavany ŭradžaj, ale dla dziaržaŭnaha zakazu, maŭlaŭ, patrebna 27 tysiač ton jabłykaŭ doŭhaha zachoŭvańnia, a sioleta ich sabrali 40 tysiač ton. Dla paraŭnańnia, u minułym siezonie ŭ stabfond płanavałasia zahruzić 23,4 tysiačy ton.
Bolš za pałovu jabłykaŭ doŭhaha zachoŭvańnia vyroščvajuć u Bresckaj vobłaści, adkul ich buduć pastaŭlać u inšyja rehijony. Taksama mahčymaja nievialikaja pastaŭka impartnych jabłykaŭ, jakija taksama buduć u prodažy.
Na siońnia ŭ biełaruskich kramach, jak śćviardžaje ministr, pieravažajuć mienavita biełaruskija jabłyki, košt jakich zaležyć ad sorta i składaje 3,30—5,40 rubla za kiłahram. Impartnyja jabłyki kaštujuć prykładna 6—8 rubloŭ za kiłahram.
U 2025 hodzie ahulny ŭradžaj budzie mienšy, čym u minułym hodzie: pa raźlikach Minahrapramu, źbiaruć ŭsiaho kala 80 tysiač ton jabłykaŭ. Dla paraŭnańnia, tolki ŭ Bresckaj vobłaści ŭ 2024 hodzie było sabrana kala 120 tysiač ton, a sioleta tam płanujuć atrymać nie bolš za 37—40 tysiač ton.
Antonaŭka daražejšaja za banany. Pačym ciapier pradajuć jabłyki?
U Biełarusi nieŭradžaj jabłykaŭ
U Minsku ŭsio ž znajšli tannyja biełaruskija jabłyki FOTAFAKT
«Załatyja» jabłyki pa 10 rubloŭ i apošnija jahady: što biaruć na Kamaroŭcy na pačatku vieraśnia
Urad zabaraniŭ vyvaz jabłyk bieź licenzii
«Jabłyčki pa 11 rubloŭ». Ceny ŭ kramie šakavali žycharku Žodzina
Kamientary
Zvyčajnaja historyja ŭ suśviecie RB.