Partuhalski ŭrad vystaviŭ miascovym udzielnikam fłatylii ŭ Hazu rachunak za departacyju ź Izraila
Urad Partuhalii paprasiŭ čatyroch partuhalskich aktyvistaŭ, jakija sprabavali dapłyści ŭ składzie mižnarodnaj humanitarnaj fłatylii da siektaru Haza, apłacić vydatki na departacyju ź Izraila. MZS krainy adznačyła, što ŭdzieł u fłatylii byŭ całkam dobraachvotnym, tamu ŭsie vydatki lažać na samich udzielnikaŭ, paviedamlaje Euronews.
Partuhalskaje MZS spačatku nabyło suajčyńnikam kvitki dadomu, kirujučysia praktyčnymi mierkavańniami, ale ciapier patrabuje kampiensacyi vydatkaŭ, suma jakich nie ahučvajecca. Ułady Partuhalii padkreślili, što hetaja misija była humanitarnaj i nie finansavałasia za košt dziaržaŭnaha biudžetu.
Kiraŭnica partuhalskaj hrupy Maryjana Martahua adkryta raskrytykavała rašeńnie ŭrada, nazyvajučy jaho «bieschrybietnym», bo, pa jaje słovach, kamanda chacieła supraćstajać «hienacydu ŭ Hazie». U susiedniaj Ispanii, darečy, urad uziaŭ na siabie vydatki na viartańnie svaich aktyvistaŭ dadomu.
Fłatylija z 40 sudnaŭ, na borcie jakoj byli prapaleścinskija aktyvisty z roznych krain, u tym liku znakamitaja šviedka Hreta Tunbierh, była pierachoplenaja Izrailem, jaki zahadzia papiaredžvaŭ, što nie dapuścić fłatyliju ŭ zonu bajavych dziejańniaŭ. MZS Izraila paviedamiła, što maje dokazy datyčnaści da prajekta fłatylii hrupoŭki CHAMAS. Aktyvistaŭ zatrymali, a paśla pačali praces ich departacyi.
Ciapier čytajuć
Pa ŭłaśniku «Softkłuba» Sirotku, jaki siadzić u SIZA KDB, prylacieła i ad Polščy — na jaho kryptabiržu Bynex nakłali sankcyi2
Kamientary
Vot i vybiraj, s odnoj storony pravyje Navrockij i PiS, kotoryje propichivajut antimihrantskije zakony i uriezajut pomoŝ ukraincam, a to i pochužie Konfiedieracija. A s druhoj storony levaki, poleznyje idioty v łučšiem słučaje, a v chudšiem posobniki chamasiat, kotoryje nie vidiat v rieźnie 7 oktiabria ničieho takoho i nazyvajut eto soprotivlenijem.
Chotia čto ty biełarus v Polšie možieš vybirať, možieš tolko smotrieť.