Pastaŭki biełaruskaha bienzinu ŭ Rasiju čyhunkaj u vieraśni ŭzraśli ŭ čatyry razy
Ekspart bienzinu ź Biełarusi ŭ Rasiju pa čyhuncy ŭ vieraśni vyras u čatyry razy ŭ paraŭnańni sa žniŭniem, paviedamili ahienctvu Reuters pradstaŭniki haliny. Heta adbyłosia na fonie namahańniaŭ Maskvy spravicca z deficytam paliva, vyklikanym ukrainskimi ŭdarami pa jaje enierhietyčnaj infrastruktury.
U šerahu rasijskich rehijonaŭ apošnim časam uviali normy prodažu paliva i časova zamarozili ceny z-za niedachopu najbolš zapatrabavanych vidaŭ bienzinu. Deficyt uźnik u vyniku atak ukrainskich dronaŭ, jakija metava bili pa naftapierapracoŭčych zavodach i inšych enierhietyčnych abjektach. Maskva taksama ŭviała abmiežavańni na ekspart bienzinu i dyzielnaha paliva.
Pavodle krynic Reuters, pastaŭki bienzinu pa čyhuncy ź biełaruskich NPZ na ŭnutrany rasijski rynak u vieraśni vyraśli da 49 000 ton (prykładna 14 500 barelaŭ u dzień). Abjom pastavak dyziela skłaŭ 33 000 ton.
Adnačasova tranzit bienzinu ź Biełarusi praz rasijskija party dla dalejšaha ekspartu pavialičyŭsia prykładna na 1% — da 140 000 ton u miesiac.
Biełaruś vykarystoŭvaje rasijskija party dla pieravałki naftapraduktaŭ z sakavika 2021 hoda pavodle pahadnieńnia ab supracoŭnictvie pamiž Maskvoj i Minskam.
Adnak za studzień—vierasień takija pieravałki skaracilisia amal na 40%, da 1,17 miljona ton, što źviazana z pamianšeńniem abjomaŭ pierapracoŭki nafty.
Dva biełaruskija naftapierapracoŭčyja zavody — navapołacki «Naftan» i Mazyrski NPZ — majuć sumarnuju mahutnaść kala 12 miljonaŭ ton u hod (prykładna 240 000 barelaŭ u dzień), ale faktyčna pierapracoŭvajuć kala 9 miljonaŭ ton u hod (prykładna 180 000 barelaŭ u dzień).
Adzin z najbolšych rasijskich NPZ spyniŭ najbujniejšuju pierapracoŭčuju ŭstanoŭku
Piekła ŭ Rasii: udary pa naftapierapracoŭcy pahłyblajuć paliŭny kryzis i mianiajuć ujaŭleńni Trampa pra pierśpiektyvy Ukrainy
Na zakrytaj naradzie ŭ Łukašenki abmiarkoŭvałasia pytańnie vytvorčaści paliva dla Rasii
U Rasii płanujuć istotna pavialičyć impart biełaruskaha bienzinu
Praz ataki na rasijskija NPZ biełaruski bienzin viarnuŭsia na rynak RF
Ciapier čytajuć
Pa ŭłaśniku «Softkłuba» Sirotku, jaki siadzić u SIZA KDB, prylacieła i ad Polščy — na jaho kryptabiržu Bynex nakłali sankcyi2
Kamientary
Potrieblenije bienzina, tys. barrielej v dień, 2022: Rośsija 846.53 thousand barrels per day.
14 500 barelaŭ u dzień ź Biełarusi heta 1.7% ad taho, što spažyvaje Rasieja (846 530 barelaŭ u dzień).
Kapla ŭ mory ad patrebaŭ RF.
Ale niekatoryja typu milicyjaniera Žyhara ci Natalli Radzinaj z Chartyi -97 zaraz pačnuć kryčać, što "Biełaruś suahresar, rasiejskija tanki jeździać pa Ŭkrainie na biełaruskim palivie, treba razbambić Mazyrski NPZ)
Vied́, dla toho, čtoby pieriestał suŝiestvovať Mozyŕskij NPZ dostatočno odnoj ustanovki chamiers, a dla toho, čtoby pieriestał suŝiestvovať Novopołockij NPZ dostatočno 3 diesiatkov dronov....
I dannyje vy privieli staryje, nado sčitať s sientiabria 2025 hoda.