Izrail i CHAMAS padpisali damoŭlenaści ŭ miežach pieršaha etapu mirnaha płana
«Heta vialiki dzień dla arabskaha i musulmanskaha śvietu, Izraila, usich susiednich krain i ZŠA», — zajaviŭ Donald Tramp.
Izrail i CHAMAS padpisali damoŭlenaści ŭ miežach pieršaha etapu mirnaha płana, paviedamiŭ prezident ZŠA Donald Tramp u sacsietcy Truth Social.
«Da ŭsich bakoŭ budzie spraviadlivaje staŭleńnie! Heta vialiki dzień dla arabskaha i musulmanskaha śvietu, Izraila, usich susiednich krain i ZŠA», — padkreśliŭ jon.
Abmien izrailskich zakładnikaŭ na paleścinskich źniavolenych u miežach uhody pamiž Izrailem i CHAMAS moža adbycca 13 kastryčnika.
«Prosta ciapier robicca ŭsio mahčymaje dla vyzvaleńnia zakładnikaŭ», — skazaŭ Tramp u intervju telekanału Fox News.
Akramia taho, amierykanski prezident raskazaŭ, jakim budzie nastupny etap ździełki. «Ja dumaju, vy ŭbačycie, jak Haza budzie adnoŭlena. My farmirujem radu, my dumajem, što jana budzie nazyvacca «Rada miru», — adznačyŭ jon.
Taksama Tramp zajaviŭ, što, «vierahodna, nakirujecca ŭ Izrail u najbližejšyja dni». Pra heta jon paviedamiŭ Axios u telefonnym intervju adrazu paśla abviaščeńnia pra ŭhodu.
«Heta vialiki dzień dla Izraila i dla ŭsiaho śvietu», — paŭtaryŭ prezident ZŠA.
Kamientary