Vieteran «SVA» i były čynoŭnik Smalenščyny zažyva zhareŭ u aŭtadomie ŭ svoj dzień narodzinaŭ
Nočču 9 kastryčnika ŭ Padmaskoŭi adbyłosia rezanansnaje zdareńnie: u vyniku pažaru ŭ domie na kołach zahinuŭ vieteran tak zvanaj «SVA» i były vysokapastaŭleny čynoŭnik Smalenskaj vobłaści Aleh Ivanoŭ. U hety dzień jamu spoŭniłasia 56 hadoŭ.
Pažar pačaŭsia kala druhoj hadziny nočy na terytoryi siamiejnaha sacyjalnaha centra. Zhodna z SHOT, zaharelisia dva aŭtamabili na parkovačnaj placoŭcy.
Padčas pažaru prahučali niekalki vybuchaŭ — spracavali hazavyja bałony, ustanoŭlenyja ŭ transparcie. Paśla tušeńnia ahniu supracoŭniki MNS vyjavili ŭ adnym z furhonaŭ cieła mužčyny.
Jak paviedamlaje SHOT, zahinuły — Aleh Ivanoŭ, vieteran «SVA», jaki paśla viartańnia z frontu zajmaŭsia «humanitarnaj dziejnaściu» — źbiraŭ i dastaŭlaŭ dapamohu ŭdzielnikam vajny z Ukrainaj.
Napiaredadni trahiedyi, pa infarmacyi kanała, jon pryvioz čarhovy hruz u sacyjalny centr, dzie ładzili zbor dla vajskoŭcaŭ. Ivanoŭ vyrašyŭ nie spyniacca ŭ sanatoryi, a pieranačavać u svaim aŭtadomie, kab nazaŭtra vyjechać u Smalensk.
Pavodle ž «Bazy», Ivanoŭ pryjechaŭ u Sierhijeŭ Pasad na svaim trejlery na «stažyroŭku pa śpiecprahramie «Hieroi Padmaskoŭja».
Aleh Ivanoŭ raniej zajmaŭ vysokija pasady ŭ Smalenskaj vobłaści, byŭ načalnikam hałoŭnaha ŭpraŭleńnia pa spravach moładzi i patryjatyčnym vychavańni rehijona. Taksama Ivanoŭ byŭ siabram centralnaha praŭleńnia Vieteranaŭ bajavych dziejańniaŭ Rasii. Mieŭ miedal «Za advahu» i Hieorhijeŭski Kryž IV stupieni samaabvieščanaj «DNR», piša SHOT.
Ciapier čytajuć
28‑hadovaj biełaruscy paśla žudasnaj avaryi ŭ Tajłandzie nie mohuć akazać dapamohu — niama patrebnaj kryvi1
Kamientary