Milicyjaniery pravieryli fiekalii z rolika ŭ sacsietkach. Pryjšli da vysnovy, što jany niesapraŭdnyja
Padčas čarhovaha manitorynhu internetu supracoŭniki minskaj milicyi źviarnuli ŭvahu na videa, jakoje chutka raspaŭsiudžvałasia ŭ sacyjalnych sietkach. Na roliku było bačna, jak padletak u padjeździe šmatpaviarchovaha doma pakidaje na padłozie i ścienach pradmiety padazronaha vyhladu — jany byli padobnyja da čałaviečych ekskremientaŭ.
Pahladzieŭšy rolik, siłaviki stali raźbiracca, dzie i kim było źniata videa. U vyniku jany ŭstanavili miesca padziei i asobu aŭtara rolika. Im akazaŭsia čatyrnaccacihadovy školnik, žychar Minska. Razam z maci jaho zaprasili ŭ milicyju dla tłumačeńnia situacyi, dzie zapisali pakajannaje videa.
Na razmovie padletak pryznaŭsia, što videa zdymaŭ vyklučna dziela žartaŭ — chacieŭ padzialicca im ź siabrami ŭ ahulnym čacie, kab ich paviesialić. Jon śćviardžaŭ, što nie płanavaŭ, kab rolik trapiŭ u adkryty dostup i, pavodle jaho słoŭ, heta adbyłosia bieź jaho viedama.
Pradmiety, jakija vyhladali jak fiekalii, byli zroblenyja ź biasškodnych praduktaŭ — tvarahu i piečyva. Paśla taho, jak zdymki skončylisia, chłopiec sam prybraŭ padjezd, kab nie pakinuć paśla siabie brudu.
Milicyja ciapier pravodzić pravierku i dumaje, ci jość tut padstava dla pryciahnieńnia da administracyjnaj abo prafiłaktyčnaj adkaznaści.
Ciapier čytajuć
Polšča adkryvaje dva pierachody na miažy ź Biełaruśsiu, ale pakul ź vialikimi abmiežavańniami12
Kamientary
[Zredahavana]