Da krain, jakija błakujuć pryniaćcie novaha pakieta sancyj ES suprać Rasii, dałučyłasia Aŭstryja
Aŭstryja stała jašče adnoj krainaj Jeŭrasajuza, jakaja pieraškadžaje pryniaćciu novaha, 19‑ha pakieta sankcyj suprać Rasii. Pryčyna sprečki — schiema, jakaja praduhledžvaje kampiensacyju aŭstryjskamu banku Raiffeisen bolš za 2 miljardy jeŭra. Aŭstryja patrabuje, kab ES razmaroziŭ aktyvy, źviazanyja z rasijskim biznesmenam Aleham Dzierypaskam, kab pieradać ich banku, piša Bloomberg.
Ułady Aŭstryi chočuć, kab sankcyi byli źniatyja z troch kampanij, źviazanych ź Dzierypaskam i inšym sankcyjanavanym biznesmenam Dźmitryjem Biełahłazavym. Heta dazvoliła b Raiffeisen atrymać pakiet akcyj aŭstryjskaj budaŭničaj kampanii Strabag, košt jakoha ciapier składaje 2,3 miljarda jeŭra.
Raniej z-za sudovaj sprečki ŭ Rasii bank Raiffeisen atrymaŭ bolš za 2 miljardy jeŭra. Prapanavanaja schiema — sposab źmianić situacyju, adznačyŭ dyrektar banka Jochan Štrobl.
Pałažeńnie ab razmarožvańni aktyvaŭ było ŭklučana ŭ apošni prajekt sankcyj, ale na sustrečy pasłoŭ ES Aŭstryja apynułasia ŭ izalacyi: inšyja krainy bajacca, što heta stvoryć niebiaśpiečny precedent dla inšych asob i kampanij pad sankcyjami.
Aŭstryja prapanavała zrabić vyklučeńnie z sankcyj, kab «kampietentnyja orhany dziaržavy — člena ES» mahli dazvalać vyzvaleńnie zamarožanych srodkaŭ, źviazanych z tryma kampanijami i dvuma asobami z sankcyjnaha śpisu. Adnak realnyja apieracyi pa pieradačy akcyj Strabag vialisia tolki na papiery, kab abyjści zamarožvańnie aktyvaŭ. Kali heta nie atrymałasia, spravu razhladaŭ rasijski sud, jaki vyrašyŭ pieradać akcyi Raiffeisen. Realizacyja schiemy Aŭstryi faktyčna aznačaje vykanańnie rašeńnia rasijskaha suda.
Isnuje taksama ryzyka, što inšyja banki i kampanii ES, aktyvy jakich zastalisia ŭ Rasii, buduć sprabavać damahčysia padobnych vyklučeńniaŭ. Jeŭrapiejskija dypłamaty akazvajuć supraciŭ: ciapier treba ŭmacoŭvać sankcyi, a nie asłablać ich.
Akramia taho, inšyja nievialikija krainy, jak Słavakija, staviać svaje ŭmovy. Naprykład, premjer-ministr Słavakii Robiert Fica zajaviŭ, što nie padtrymaje novyja sankcyi suprać Rasii, pakul nie budzie prapanavana realistyčnaje rašeńnie, jakoje dazvolić sumiaścić klimatyčnyja mety ES z patrebami aŭtamabilnaj pramysłovaści, jakaja važnaja dla ekanomiki Słavakii.
Premjer Fica: Meta ŭrada Słavakii nie paražeńnie Rasii, a chutčejšy kaniec vajny va Ukrainie
U Jeŭropie razhladajuć handlovyja miery suprać pastavak rasijskaj nafty pa naftapravodzie «Družba»
«Čas pierakryć vientyl». ES paskaraje admovu ad rasijskaha zvadkavanaha hazu
Tramp vystaŭlaje Jeŭrasajuzu ŭmovy, jakija toj nie moža vykanać
Ciapier čytajuć
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci3
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary