82‑hadovaja kitajanka lačyłasia žyvymi žabami. Heta ledź nie vylezła joj bokam
U Kitai 82‑hadovaja žančyna z pravincyi Čžeczian trapiła ŭ balnicu paśla taho, jak prahłynuła vosiem žyvych žab, piša vydańnie South China Morning Post.
Piensijanierka pakutavała ad bolu ŭ śpinie i pavieryła ŭ narodny srodak, što žaby nibyta dapamahajuć pry hryžy mižpazvanočnych dyskaŭ. Nie paviedamlajučy siamji pra svaje namiery, jana paprasiła svajakoŭ nałavić drobnych žab i prahłynuła ich syrymi — try ŭ pieršy dzień i jašče piać na nastupny.
Praź niekalki dzion žančynu pačaŭ mučyć mocny bol u žyvacie, jaje dastavili ŭ balnicu. Miedyki vyklučyli puchlinu, ale ŭbačyli prykmiety parazitarnaj infiekcyi. Daśledavańni zaśviedčyli najaŭnaść parazitaŭ, u tym liku sparhanoza, jaki źjaŭlajecca paśla ŭžyvańnia ŭ ježu syrych žab.
Daktary adznačyli, što syryja žaby mohuć utrymlivać niebiaśpiečnyja bakteryi i taksiny, jakija vyklikajuć paralič, parušeńni sercabićcia abo surjoznyja infiekcyi. U hetym vypadku, adnak, abyšłosia. Paśla dvuch tydniaŭ lačeńnia pažyłuju žančynu vypisali z balnicy.
Daktary kažuć, što padobnyja vypadki ŭ Kitai nie redkaść: niekatoryja ludzi, asabliva pažyłyja, užyvajuć syryja častki žyvioł abo prymianiajuć žabiačuju skuru dla «lačeńnia», što moža pryvieści da ciažkich nastupstvaŭ — u tym liku infiekcyj, straty zroku i paškodžańnia mozhu.
Tamu miedyki zaklikali nasielnictva nie daviarać padobnym narodnym «receptam», jakija raspaŭsiudžvajucca ŭ internecie i sacsietkach.
Ciapier čytajuć
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci3
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary