U 82 hady pamior Džon Łodž — bas-hitaryst, vakalist i aŭtar piesień lehiendarnaj brytanskaj rok-hrupy The Moody Blues. Jaho śmierć była niečakanaj, paviedamiła siamja muzykanta.
Łodž usio žyćcio addavaŭ muzycy, siamji i duchoŭnym kaštoŭnaściam, i jaho apošnija chviliny prajšli ŭ kole blizkich pad muzyku Everly Brothers i Badzi Choli.
Džon Łodž naradziŭsia ŭ pryharadach Birminhiema, vučyŭsia ŭ miascovych škołach.
Da The Moody Blues jon dałučyŭsia ŭ 1966 hodzie, a ŭžo ŭ 1967‑m hurt vypuściŭ inavacyjny albom Days of Future Passed, jaki atrymaŭ płacinavy status.
U pieryjad 1969—1972 hadoŭ jon udzielničaŭ u zapisie piaci albomaŭ, jakija zrabili hurt viadomym u žanry prahresiŭnaha roku. Za ŭsiu historyju hurta było pradadziena bolš za 70 miljonaŭ kopij ich zapisaŭ, a ŭ 2018‑m The Moody Blues uvajšli ŭ Zał słavy rok-n-rołu.
Siamja adznačaje, što scena była dla Łodža hałoŭnym ščaściem, i jon vielmi lubiŭ vystupać. Jon caniŭ mahčymaść pracavać z unukam, dačkoj Emili i synam Kryścijanam, a ŭ asabistym žyćci znachodziŭ radaść u siamiejnych momantach, naprykład, u pośpiechach unuka ŭ futbole.
Ciapier čytajuć
Ihar Tur z žonkaj pasialiŭsia ŭ łukašenkaŭskim ekśpierymientalnym pasiołku. Kab mietr jamu abyšoŭsia tańniej, usie kamunikacyi apłacili ź biudžetu3
Kamientary