Najbujniejšy naftavy terminał Kryma paśla ataki drona haryć piatyja sutki
U Fieadosii ŭžo piatyja sutki praciahvajecca pažar na najbujniejšym u Krymie marskim naftavym terminale, atakavanym unačy 6 kastryčnika bieśpiłotnikami Uzbrojenych sił Ukrainy, piša The Moscow Times.
Pavodle śviedak i danych spadarožnikavaha servisu NASA FIRMS, ahoń dahetul nie ŭdałosia patušyć. Padčas udaru zaharelisia jak minimum dva reziervuary z palivam, čorny dym ciahnuŭsia bolš čym na 25 kiłamietraŭ, z vakolic evakujavali kala 250 čałaviek.
Fieadasijskaja naftabaza — najbujniejšaja na paŭvostravie, jana moža zachoŭvać da 250 tysiač ton paliva, jakim zabiaśpiečvajucca rasijski fłot i suchaputnyja vojski. Heta ŭžo nie pieršaja ataka: u kastryčniku 2024 hoda terminał taksama paciarpieŭ, i tady ŭ horadzie abviaścili režym technahiennaj nadzvyčajnaj situacyi.
Niahledziačy na toje, što vakoł abjekta byli ŭstalavanyja sistemy PPA «Pancyr-S1», viežy nazirańnia, sietki i režym śviatłomaskiroŭki, jany nie zmahli spynić novuju ataku.
Pierad hetym, 29 vieraśnia 2025 hoda, na terminale ŭžo adbyŭsia pažar u vyniku parušeńnia technałohii zvaračnych rabot. Tady ahoń achapiŭ bolš za 600 m², i jaho patušyli tolki na nastupny dzień.
Pažary i ataki adbyvajucca na fonie vostraha deficytu paliva ŭ Krymie. Užo kala dvuch tydniaŭ aŭtamabilistam pradajuć nie bolš za 20 litraŭ bienzinu ŭ adny ruki, a prykładna pałova AZS pierastała pracavać z-za prablem z pastaŭkami. Pry hetym rasijskija akupacyjnyja ŭłady śćviardžajuć, što fieadasijskaja naftabaza nibyta nie ŭdzielničaje ŭ zabieśpiačeńni miascovych zapravak.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj39
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary
«Ukraina, jakaja maje vialiki duch i robicca ŭsio macniejšaj, zmoža viarnuć svaju krainu ŭ jaje pieršapačatkovaj formie — a chto viedaje, moža navat pojdzie dalej!»
— Donald Tramp