U Biełarusi adkryli pieršuju kaplicu ŭ miežach akcyi vieteranaŭ FSB — na małoj radzimie Alesia Puškina
Prajekt «Maŭklivaje recha vajny» byŭ inicyjavany ŭ Rasii ŭ druhoj pałovie 2000‑ch vieteranami vajennaj kontrraźviedki i FSB. Ale dahetul takija kaplicy stavili tolki ŭ Rasii, piša Biełaruski instytut publičnaj historyi.
U miežach prajekta vieteranaŭ FSB pa ŭsioj Rasii paśpieli ŭstalavać 19 kaplic u pamiać pra zahinułych u časy Druhoj suśvietnaj bajcach.
20‑iu kaplicu adkryli ŭ kancy vieraśnia ŭ Krupskim rajonie kala miastečka Bobr na miescy hibieli ŭ 1944 hodzie bajca «Śmierš» Vasila Čabatarova.
Telekanał STV pamyłkova paviedamiŭ, što jon źjaŭlajecca ŭradžencam Krupskaha rajona, ale nasamreč jon naradziŭsia ŭ RSFSR. Typavaja kaplica ŭpryhožana hieorhijeŭskim kryžom, znakam adroźnieńnia časoŭ Rasijskaj impieryi, i pravasłaŭnymi ikonami.
Na hetym ža miescy daŭno ŭstalavany pomnik Vasilu Čabatarovu, a ŭ samim Babry staić biust hieroju Savieckaha Sajuza. U 2006 hodzie paviedamlałasia, što na biuście Čabatarova znajšli ŭlotki z tekstam «Dałoŭ ruskich akupantaŭ ź dziaržaŭnych pasadaŭ niezaležnaj Respubliki Biełaruś!», paśla čaho byŭ zatrymany mastak i miascovy žychar Aleś Puškin.
Kamientary