Źjaviŭsia novy vid machlarstva: zaraz telefanujuć ad imia palikliniki
U Leninskaje RUUS stalicy źviarnułasia 63‑hadovaja žycharka rajona, jakoj na mabilny patelefanavała machlarka i pradstaviłasia rabotnicaj palikliniki.
Jana paviedamiła: piensijaniercy nieabchodna prajści dyspansieryzacyju. Ale žančyna adkazała, što nie absłuhoŭvajecca ŭ paliklinicy pa miescy žycharstva. Złamyśnica nie razhubiłasia i paprasiła ŭ minčanki nadyktavać asabistyja danyja, kab «prybrać jaje sa śpisu daŭžnikoŭ», paviedamlaje «Milicyja Minska».
Dalej schiema razhortvałasia standartna: patelefanavaŭ iłžepravaachoŭnik i paviedamiŭ, što minčanka razmaŭlała z machlarami i ciapier ad jaje imia adbyvajucca niezakonnyja finansavyja apieracyi, tamu, k ab nie stać fihurantkaj kryminalnaj spravy, jon pierakanaŭ jaje zadekłaravać źbieražeńni šlacham pieravodu na adpaviedny rachunak.
Žančyna sabrała bolš za 8000 rubloŭ i pajšła ŭ bank, ale kasir zapadozryła, što piensijanierku padmanuli ašukancy, i źviarnułasia ŭ milicyju.
Zaviedziena kryminalnaja sprava za machlarstva.
Kamientary