Pieršaha namieśnika bujnoha pradpryjemstva pa enierhietycy zatrymali pry atrymańni chabaru 134 tys. rubloŭ, paviedamiŭ Kamitet dziaržaŭnaha kantrolu.
Departamient finansavych rasśledavańniaŭ KDK vykryŭ fakty karupcyi ŭ enierhietyčnym kompleksie. Usiaho zatrymany pradstaŭniki troch arhanizacyj, niezakonna atrymali hrošy za łabiravańnie intaresaŭ kamiercyjnych struktur.
Tak, zatrymany pieršy namieśnik hiendyrektara staličnaha pradpryjemstva, jakoje zajmajecca mantažom i ŭstanoŭkaj pramysłovych mašyn i abstalavańnia. Pavodle źviestak Dziaržkantrolu, u vieraśni jon atrymaŭ chabar za łabiravańnie intaresaŭ pry padpisańni dahavora na pastaŭku transfarmatarnaj padstancyi na adras dziaržaŭnaha pradpryjemstva.
Jak dadali ŭ viedamstvie, hetuju pasadu jon zajmaŭ bolš za 10 hadoŭ, a jaho siaredniamiesiačny zarobak składaŭ kala 10 tys. rubloŭ.
U KDK taksama paviedamili, što načalnik adździeła inšaha minskaha pradpryjemstva, jakoje zajmajecca vytvorčaściu elektraruchavikoŭ, hienierataraŭ i transfarmataraŭ, u sakaviku atrymaŭ 5 tys. rubloŭ. Hrošy byli za panižeńnie koštu błočnaj kamplektnaj transfarmatarnaj padstancyi, jakuju płanavali nabyć pryvatniki.
Akramia taho, viadučy inžynier pa techničnym nahladzie za budaŭnictvam treciaha staličnaha pradpryjemstva enierhietyki na praciahu 2025 hoda atrymaŭ 3 tysiač rubloŭ za paskoranaje viziravańnie aktaŭ pryjomki vykananych budaŭniča-mantažnych rabot, jakija pravodziła kamiercyjnaja struktura.
U ŭsich troch vypadkach hrošy pieradavali rabotniki tavarystva z abmiežavanaj adkaznaściu, jakoje zajmajecca vytvorčaściu i pastaŭkaj elektratechničnaha abstalavańnia, paviedamili ŭ viedamstvie.
Zaviedzienyja kryminalnyja spravy, Śledčy kamitet viadzie papiaredniaje rasśledavańnie.
Ciapier čytajuć
Mścisłaŭ Miekta: jašče adzin recydyvist rviecca va ŭładu, prykinuŭšysia śpiecnazaŭcam-jabaćkam16
Kamientary