Pucin u Maskvie havaryŭ pra viečnuju družbu ź siryjskim lidaram, jakoha 9 hadoŭ tamu pahražaŭ «źniščyć»
Prezident Rasii Uładzimir Pucin padčas sustrečy ŭ Maskvie z novym lidaram Siryi Achmiedam aš-Šaaram zajaviŭ, što adnosiny pamiž dźviuma krainami zaŭsiody byli siabroŭskimi i što Rasija hatovaja padtrymlivać rehularnyja kantakty i sumiesnyja prajekty. Choć raniej adnosna aš-Šaara i sił, jakija za im stajali, rytoryka była kardynalna inšaja, zaŭvažaje The Moscow Times.
«Za hety čas [z 1944 hoda] adnosiny pamiž Siryjaj i Rasijaj zaŭsiody nasili vyklučna siabroŭski charaktar. U nas u Rasii nikoli ŭ dačynieńni da Siryi nie było niejkich adnosin, źviazanych z našaj palityčnaj kanjunkturaj abo z asablivymi intaresami. My zaŭsiody kiravalisia adnym — intaresami siryjskaha naroda. Ź siryjskim narodam u nas sapraŭdy hłybokija suviazi», — zajaviŭ Pucin.
Achmied aš-Šaar, jaki niadaŭna prybyŭ u Rasiju z pracoŭnym vizitam, raniej byŭ viadomy pad imiem Al-Džułani i kiravaŭ isłamisckaj hrupoŭkaj «Chajat Tachryr aš-Šam» (raniej — «Džabchat an-Nusra»), što była adhalinavańniem «Al-Kaidy».
Raniej «Tachryr aš-Šam» viała bajavyja dziejańni suprać režymu Bašara Asada i rasijskich vojskaŭ, jakija jaho padtrymlivali. Rasijskaja avijacyja nanosiła ŭdary pa pazicyjach hrupoŭki.
U 2016 hodzie rasijski MZS nazyvaŭ členaŭ hetaj hrupoŭki «vyludkami» i abiacaŭ jaje «źniščyć», padkreślivajučy, što jana źjaŭlajecca terarystyčnaj arhanizacyjaj. U 2020 hodzie «Tachryr aš-Šam» była aficyjna zabaronienaja ŭ Rasii.
Adnak paśla taho jak apazicyjnyja siły ŭziali pad kantrol stalicu Siryi Damask, aš-Šaar atrymaŭ padtrymku častki paŭstancaŭ i byŭ abvieščany prezidentam pierachodnaha ŭrada Siryi. Adpaviedna z hetym źmianiłasia da jaho i staŭleńnie Maskvy, hetak ža sama jak jano źmianiłasia da afhanskaha ruchu Taliban, jaki taksama pierad prychodam ułady ličyŭsia terarystyčnaj i zabaronienaj u Rasii arhanizacyjaj, a paśla prychodu staŭ partnioram.
Pavodle danych ahienctvaŭ Syria TV i Reuters, padčas vizitu ŭ Maskvu aš-Šaar płanuje abmierkavać z Pucinym dva asnoŭnyja pytańni: vydaču siryjskim uładam byłoha prezidenta Bašara Asada dla pryciahnieńnia jaho da adkaznaści i budučyniu rasijskich vajskovych baz u Tartusie i Chmiejmimie.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały77
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały7
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary
- Nu da. Tiepieŕ budieš mnie bašlať, kak bašlał Asadu. Nu i možiet pobombiť niemnoho nado budiet. Ja skažu koho.
- Samo soboj...
- I bašku Asada mnie prišloš. Tolko živoho nie nado. V novoj diemokratičieskoj Sirii humannyje poriadki. Pusť u tiebia hdie nibud́, hriaź na hriaź nie nalipniet.
- Kakije pustiaki dla dorohoho druha russkoho naroda!