Ci moža supracoŭnik pracavać biez vychadnych, kali jon hetaha sam žadaje?
Mužčyna pahadziŭsia papracavać u svaje vychadnyja, ale zadaŭsia pytańniem, ci zakonna heta, piša «Minsk-Naviny» sa spasyłkaj na pres-słužbu FPB.
Pavodle słoŭ mužčyny, jaki źviarnuŭsia z takim pytańniem, jon pracuje z paniadziełka pa piatnicu z 9:00 da 18:00. Prapanovu vyjści na pracu taksama ŭ subotu i niadzielu supracoŭnik pryniaŭ i navat paviedamiŭ pra hatoŭnaść napisać piśmovuju zhodu pra hetuju damoŭlenaść. Adnak pierš vyrašyŭ pacikavicca ŭ prafsajuznaj arhanizacyi, ci zakonna heta.
Na hetaje pytańnie hałoŭny pravavy inśpiektar pracy Minskaha haradskoha abjadnańnia prafsajuzaŭ Iłona Parafieniuk adkazała admoŭna.
— Nie, niepravamierna, pakolki najmalniku ŭ dadzienym vypadku varta kiravacca častkaj 8 artykuła 136 Pracoŭnaha kodeksa Respubliki Biełaruś, u adpaviednaści ź jakoj najmalnik abaviazany pradastavić rabotniku vychadnyja dni nie paźniej čym za šeść rabočych dzion zapar, — patłumačyła śpiecyjalist.
Parafieniuk taksama dadała, što, u adpaviednaści z normaj častki 8 artykuła 136 PK, abaviazak najmalnika pa pradastaŭleńni vychadnych dzion uźnikaje niezaležna ad režymu rabočaha času supracoŭnika, a taksama ad vyražeńnia im adpaviednaj piśmovaj zhody.
Kamientary