Davieranaj asobie łukašenkaŭskaha sparynh-partniora Ułachoviča dali kałoniju pa troch palityčnych artykułach
Kamiersant Andrej Kavaloŭ ź likvidavanaj uładami Biełaruskaj patryjatyčnaj partyi byŭ davieranaj asobaj atamana Mikałaja Ułachoviča, kandydata ŭ prezidenty — 2015. «Kazak» Kavaloŭ dvojčy sam bałatavaŭsia ŭ deputaty. Ciapier jon za kratami za palityku.
Andreju Kavalovu 47 hadoŭ. Jon minčuk. Skončyŭ Minski mašynabudaŭničy kaledž, paśla pajšoŭ vučycca ŭ Biełaruski instytut pravaznaŭstva. Maje žonku i syna.
Bolš za 15 hadoŭ jon kiravaŭ firmaj «Konhier». Heta nievialikaja kampanija, śfiera dziejnaści jakoj — roźničny handal praz kijoski.
Biznesmen doŭhi čas ličyŭsia siabram Biełaruskaj patryjatyčnaj partyi, jakuju ŭznačalvaŭ «ataman» Mikałaj Ułachovič. Partyja była stvoranaja ŭ 1996‑m u padtrymku palityki Łukašenki. Taksama Ułachovič kiravaŭ «kazackim» rucham na terytoryi Biełarusi i prytrymlivaŭsia vyraznych prarasijskich kansiervatyŭna-manarchičnych pohladaŭ. U 2023‑m jahonuju partyju likvidavali, choć jon u 2020‑m ahitavaŭ za Łukašenku.
Andrej Kavaloŭ bałatavaŭsia ad Patryjatyčnaj partyi ŭ deputaty ŭ 2016 i 2019 hadach.
U 2015‑m jon byŭ davieranaj asobaj Mikałaja Ułachoviča na prezidenckich vybarach. A ŭ 2017‑m Kavalova ŭračysta pryniali ŭ kazaki na pasiedžańni arhanizacyi «Biełaruskaje kazactva».
Andreja Kavalova asudzili ŭ 2025 hodzie pa troch artykułach — «abraza Łukašenki», «abraza pradstaŭnika ŭłady» i «raspalvańnie varožaści». Sutnaść abvinavačańnia i abstaviny spravy nieviadomyja.
Miarkujučy pa tym, što Andreja nidzie niama nie anłajn, prysud źviazany z pazbaŭleńniem voli. Ciapier Kavalova pavinny pieravieści ŭ kałoniju.
«Naša Niva» — bastyjon biełaruščyny
PADTRYMAĆCiapier čytajuć
Dačka sudździ, jakaja žyŭcom zhareła ŭ sudzie ŭ Słucku ŭ 1967-m, raskazała, jak skłałasia žyćcio ich siamji paśla hučnaj trahiedyi7
Kamientary