Kiraŭnictva Hrodzienskaj vobłaści maje namier pieratvaryć Navahrudak u horad-muziej. Pra heta zajaviŭ hubiernatar Juryj Karajeŭ na vyjaznoj naradzie ŭ Navahrudku, pryśviečanaj raźvićciu turystyčnaha patencyjału rehijona.
Karajeŭ adznačyŭ, što asnovaj dla pryciahnieńnia turystaŭ pavinny stać dźvie klučavyja kropki: Navahrudski zamak i Muziej jaŭrejskaha supracivu, raźmieščany ŭ budynku, dzie padčas vajny znachodziłasia jaŭrejskaje hieta.
Dla kompleksnaha raźvićcia turystyčnaj infrastruktury treba surjozna abnavić vuličnuju i darožnuju sietku, pryvieści ŭ paradak fasady budynkaŭ i dobraŭparadkavać abjekty sacyjalnaj śfiery, piša presavaja słužba abłvykankama.
Na hetyja mety ŭ biahučym hodzie ŭžo vydzielena 12 miljonaŭ rubloŭ, jakija nieabchodna asvoić.
Jak piša kanał «Puł 4 Riehion», da raźvićcia muzieja ŭžo prajavili cikavaść pryvatnyja inviestary, «hłyboka pahłyblenyja ŭ histaryčnuju tematyku i hatovyja ŭkładać srodki ŭ hety prajekt».
Hubiernatar, pavodle kanała, vyznačyŭ kančatkovuju metu: «My pavinny zrabić Navahrudak horadam-muziejem!»
Navahrudak — heta horad, dzie karani siamji Džareda Kušniera, ziacia prezidenta ZŠA — tam jany pieražyli Chałakost i ŭdzielničali ŭ partyzanskim supracivie.
U žniŭni stała viadoma, što Łukašenka zaprasiŭ Donalda Trampa ź siamjoj u Minsk, i heta zaprašeńnie, jak śćviardžaje pres-słužba Łukašenki, było pryniata.
-
«Zarobak u try razy vyšejšy, čym doma». Biełarus raskazaŭ, jak papracavaŭ u Jehipcie na budaŭnictvie AES
-
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB
-
U minskim «Jeŭraopcie» ŭ adździele vypiečki pakłali pakiety dla śmiećcia
Ciapier čytajuć
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB4
Kamientary
[Zredahavana]