«Ja trymaŭsia, sprabavaŭ jaho supakoić». U Šviejcaryi biełarus abaraniŭ siamju ad ahresiŭnaha ruskamoŭnaha pasažyra ŭ ciahniku
Ahresiŭny ruskamoŭny mužčyna napaŭ na siamiejnuju paru — biełarusa i ŭkrainku — u ciahniku ŭ Šviejcaryi z-za pačutaj ukrainskaj movy, a paśla sam ža napisaŭ na ich zajavu ŭ palicyju. «Radyjo Svaboda» parazmaŭlała z mužam Aleny i daviedałasia padrabiaznaści incydentu.
Siamja — Alena Dudnik i Habryjel Šaroŭ — z małym dziciom jechała ŭ ciahniku Interłakien — Špic (Šviejcaryja), kali ruskamoŭny mužčyna, jaki siadzieŭ pa susiedstvie, pačaŭ ahresiŭna čaplacca da ich. Jaho aburyła ŭkrainskaja mova. Alena — ukrainka, jaje muž — uradženiec Biełarusi. Alena razmaŭlała pa-ŭkrainsku. Kali mužčyna pačaŭ kidacca na paru, Alena zapisała incydent na videa.
Ruskamoŭny mužčyna łaŭsia matam, nie saromiejučysia ŭ vyrazach. Kazaŭ: «Ja ruski čałaviek, my vas usich budziem zabivać. I ciabie, i ciabie, i ciabie», pakazvajučy palcam na siamju.
Paśla jon čaplaŭsia da Habryjela i pytaŭsia: «čamu ty nie ŭ akopie», patrabavaŭ pakazać šviejcarski pašpart i vykazvaŭ adkrytuju padtrymku rasijskaj ahresii va Ukrainie.
«Radyjo Svaboda» źviazałasia z mužam Aleny, kab padrabiaźniej rasspytać pra incydent. Vyjaviłasia, što ŭ Habryjela biełaruskija karani: jahonyja baćki pierajechali ŭ Šviejcaryju ŭ 90‑ia hady.
«My jechali ciahnikom, zajšli ŭ vahon, pastavili vazok, syn u mianie byŭ na rukach, ja pačaŭ šukać miesca, kab sieści. Paśla my sieli, žonka paprasiła mianie pa-ŭkrainsku niešta ŭziać. Jon heta pačuŭ i pačaŭ svarycca niecenzurnaj łajankaj. Žonka adrazu ŭklučyła telefon i pačała zdymać. Ja havaryŭ na «Vy», namahaŭsia jaho supakoić, pakazvaŭ jamu, što tam šmat turystaŭ, jość dzieci. Jon vybiŭ telefon z ruk u žonki, ustaŭ i ja zreahavaŭ — adšturchnuŭ jaho. Žonka ź dziciom adyšli dalej, a ja nie strymaŭsia i paru razoŭ daŭ pa šyi», — raskazvaje Habryjel.
Inšyja pasažyry dapamahli Habryjelu vyklikać palicyju. Ahresar heta zrazumieŭ i pačaŭ chavacca ŭ ciahniku. Palicyja jaho znajšła i vyvieła adtul. Paśla hety mužčyna pahražaŭ siamji i patrabavaŭ 10 000 šviejcarskich frankaŭ (kala 12 540 dalaraŭ) — albo jon napiša zajavu na Habryjela. Ciapier idzie raźbiralnictva z palicyjaj, jany čakajuć materyjał ź videakamier u ciahniku.
«Jak ja zrazumieŭ, jon napisaŭ zajavu, što ja jamu nibyta niešta fizična zrabiŭ. U ciahniku byŭ poŭny vahon, kitajskija turysty zakrylisia ŭ prybiralni ź dziećmi, tam byŭ ceły kipiš», — raskazvaje Habryjel.
Mužčyna kaža, što sprabavaŭ trymacca kulturna.
«Ja viedaju šviejcarskija zakony, tamu ja trymaŭsia. Ja čakaŭ momantu, pakul jon dakraniecca ci vybje telefon. Paśla ja ŭžo zreahavaŭ, bo isnavała pahroza nie tolki mnie, ale i žoncy dy dziciaci», — praciahvaje Habryjel.
Raniej, da pačatku vajny va Ukrainie, Habryjel jeździŭ u Biełaruś; ciapier dla jaho heta niemahčyma. Jon paznajomiŭsia z žonkaj na pracy, doma žonka ź im havoryć pa-ŭkrainsku, jon ź joj — pa-rasiejsku.
«Jon [ahresiŭny mužčyna ŭ ciahniku] padtrymlivaje ŭsiu hetuju vajnu, pucinski režym. Jon ličyć siabie rasiejcam, skazaŭ, što nas treba zabivać. Jon zrazumieŭ, što maja žonka — ukrainskaja ŭciakačka, i pačaŭ ahresiju. Ja z takim upieršyniu sutykajusia. Ja pracavaŭ z ukrainskimi ŭciekačami, u miescy, dzie ich prymali; ja suprać vajny, suprać rasiejskaj ahresii», — havoryć Habryjel.
Pa słovach Aleny i Habryjela, mužčyna, jaki na ich kidaŭsia, — hramadzianin Łatvii, jaho zavuć Alaksandr Vabiks.
U kamientaryjach da pasta ŭ Instagram Aleny niekatoryja ludzi pisali, što taksama sutykalisia z hetym čałaviekam i ź jahonymi ahresiŭnymi dziejańniami.
«Chaču dadać jašče ad siabie: praz toje, što videa raspaŭsiudziłasia ŭ sacyjalnych sietkach, hetaha mužčynu, jaki źjaŭlajecca pravakataram na videa, paznali vielmi mnohija ludzi, jakija taksama paciarpieli ad jaho. Pieravažna heta žančyny ź dziećmi, jakim jon pahražaŭ źbićciom, hvałtam i fizičnaj raspravaj. Ludzi taksama padavali na jaho zajavy ŭ palicyju», — paviedamiła Alena.
«Radyjo Svaboda» nie znajšła aficyjnych zhadak pra incydenty z udziełam hetaha čałavieka, jak i jaho aktyŭnych akaŭntaŭ u sacyjalnych sietkach.
Na incydent adreahavała ŭkrainskaje MZS. Pradstaŭnik MZS Hieorhij Cichi nazvaŭ videa incydentu «žachlivym»: «Nieprymalnaja mova varožaści i mižetničnaja nianaviść».
Ukraina źviarnułasia da šviejcarskich pravaachoŭnych orhanaŭ z prośbaj rasśledavać incydent i pryciahnuć vinavatych da adkaznaści.
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary
Usio što treba viedać pra sučasnaha biełarusa. Ćfu, blin...
[Zredahavana]