Pryčynaj śmierci Abakara Abakarava stali šmatlikija nažavyja ranieńni.
17 kastryčnika ŭ Stambule było znojdziena cieła ŭładalnika telehram-kanała «Utro Dahiestan» Abakara Abakarava. Pra heta sa spasyłkaj na krynicy paviedamili niekalki rasijskich ŚMI.
Pryčynaj śmierci stali šmatlikija nažavyja ranieńni. Pradstaŭnik dahiestanskaj dyjaspary ŭ Turcyi zajaviŭ «Kaŭkazskamu vuzłu», što Abakaraŭ raniej atrymlivaŭ pahrozy zabojstvam. Tureckija ŭłady pačali rasśledavańnie.
Abakar Abakaraŭ — uładalnik kanała «Utro Dahiestan», jaki pieršym raźmiaściŭ zakliki da masavych biesparadkaŭ u aeraporcie Machačkały ŭ kastryčniku 2023 hoda, piša «Novaja hazieta Jeŭropa».
Śledstva taksama nazvała Abakarava adnym z troch arhanizataraŭ masavych biesparadkaŭ u aeraporcie Machačkały razam z Panamarovym i prapaviednikam Israiłam Achmiednabijevym. U lipieni spravy ŭsich traich pastupili ŭ Viarchoŭny sud Dahiestana dla zavočnaha razhladu. U Rasii Abakaraŭ byŭ abvieščany ŭ vyšuk.
***
Biecparadki ŭ aeraporcie Machačkały adbylisia 29 kastryčnika 2023 hoda. Pieradumovami stali čutki, što raspaŭsiudžvalisia praz sacsietki, ab raźmiaščeńni ŭ Dahiestanie jaŭrejskich biežancaŭ, evakujavanych ź Izraila paśla ŭvarvańnia bajevikoŭ CHAMAS 7 kastryčnika 2023 hoda i pačatku aktyŭnych bajavych dziejańniaŭ u Izraili.
Viečaram 29 kastryčnika natoŭp miascovych žycharoŭ sabraŭsia ŭ aeraporcie, kab vykazać pratest suprać pryjezdu jaŭrejaŭ, što prybyli ŭ Machačkału na rehularnym rejsie Red Wings WZ 4728 z Tel-Aviva. Pratestoŭcy zmahli zachapić aeraport, vyjści na lotnaje pole i akružyć aŭtobus z pasažyrami. Usiaho na borcie było kala 50 čałaviek, u asnoŭnym žančyny ź dziećmi. U vyniku sutyknieńniaŭ pratestoŭcaŭ z pasažyrami inšych rejsaŭ i palicyjaj paciarpieli bolš za 20 čałaviek. Pasažyry rejsa nie paciarpieli.
Byli ŭsiaho aryštavanyja 27 čałaviek. Jašče 400 čałaviek byli pryciahnuty da administracyjnaj adkaznaści.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary
U Paryže zahinuli dva dypłamaty PAR e. jakija taksama pryčetny da pozvy Nietańjachu
Teoryja zmovy??))))) kažycie ))
Praź niekalki hod u halivudzkaj kazkie pabačycie Bibi praciah Hołdy )))