Avijakatastrofa ŭ Hankonhu: hruzavy samalot źjechaŭ z pałasy ŭ mora, zahinuli dvoje supracoŭnikaŭ aeraporta
U mižnarodnym aeraporcie Hankonha ŭ paniadziełak ranicaj adbyłasia avijakatastrofa. Hruzavy samalot źjechaŭ z uźlotna-pasadačnaj pałasy i ŭrezaŭsia ŭ słužbovy aŭtamabil, paśla čaho jany ŭpali ŭ mora. U vyniku incydentu zahinuli dvoje supracoŭnikaŭ aeraporta, jakija znachodzilisia ŭ mašynie. Čatyry členy ekipaža samalota nie paciarpieli.
Zdareńnie adbyłosia kala 3:50 ranicy, kali Boeing 747 tureckaj avijakampanii ACT Airlines, jaki vykonvaŭ rejs z Dubaja dla apieratara Emirates, samalot zachodziŭ na pasadku, piša AP.
Jak paviedamili pradstaŭniki aeraporta, samalot prajechaŭ prykładna pałovu ŭźlotna-pasadačnaj pałasy, paśla čaho niekantralujema źjechaŭ naleva i ŭrezaŭsia ŭ achoŭny aŭtamabil, jaki znachodziŭsia za miežami pałasy.
Kali prybyli ratavalniki, samalot złamany na dźvie častki, płavaŭ u mory. Čatyry členy ekipaža čakali dapamohi la adčynienych dźviarej.
Dvuch rabotnikaŭ słužby biaśpieki znajšli ŭ mašynie ŭ mory paśla 40‑chvilinnaha pošuku. Jany zahinuli.
Samalotu było 32 hady, jon lacieŭ biez hruzu.
Avaryja adbyłasia na paŭnočnaj pałasie adnaho z samych zahružanych aeraportaŭ Azii. Hetaja pałasa zastajecca zakrytaj, ale paviedamlajecca, što praca aeraporta ŭ cełym nie parušanaja.
Umovy nadvorja na momant pasadki byli prydatnymi. Pryčyny zdareńnia rasśledujucca.
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii2
Kamientary