Salista hurta «Bieź Bileta» dadali va ŭkrainskuju bazu «Miratvorac»
Zdaryłasia heta paśla taho, jak Vital Artyst apublikavaŭ u svaim tyktoku videa z Krymu, zaŭvažyła «Lusterka».
Vitala Artysta, salista i stvaralnika biełaruskaha hurta «Bieź Bileta» 19 kastryčnika ŭklučyli ŭ bazu ŭkrainskaha sajta «Miratvorac», dzie publikujecca infarmacyja pra mierkavanych «prarasijskich terarystaŭ, sieparatystaŭ, najmitaŭ, vajennych złačyncaŭ i zabojcaŭ».
Pryčynaj da taho aŭtary «Miratvorca» nazyvajuć «publičnuju padtrymku rasijskaj ahresii i zabojstvaŭ hramadzian Ukrainy», «zamach na suvierenitet i terytaryjalnuju cełasnaść Ukrainy», a taksama «śviadomaje parušeńnie dziaržaŭnaj miažy Ukrainy z metaj praniknieńnia na jaje terytoryju».
Raniej śpiavak vykłaŭ u tyktok rolik, dzie raspavioŭ pra svaju pajezdku ŭ Krym. Jon patłumačyŭ vybar kirunku ŭ tym liku ciažkaściami vandroŭki ŭ Jeŭropu i pacikaviŭsia ŭ padpisčykaŭ, ci nie «zaškvar» jeździć na akupavanuju Rasijaj paŭvyspu.
Kamientary