Łukašenka ŭvioŭ abaviazkovuju markiroŭku kožnaha juvielirnaha vyrabu
Alaksandr Łukašenka padpisaŭ ukaz, jakim u krainie ŭvodzicca abaviazkovaja markiroŭka juvielirnych vyrabaŭ. Novyja praviły pačnuć dziejničać z 1 studzienia 2026 hoda.
Jak paviedamili ŭ pres-słužbie Łukašenki, uviadzieńnie markiroŭki maje na mecie zabiaśpiečyć zakonnaść abarotu juvielirnych vyrabaŭ i abaranić spažyŭcoŭ ad niadobrasumlennych pradaŭcoŭ.
Markiroŭka budzie prymianiacca ŭ nastupnych vypadkach:
pry vyrabie juvielirnych vyrabaŭ (za vyklučeńniem indyvidualnych zakazaŭ);
pry ŭvozie na terytoryju Biełarusi dla dalejšaj realizacyi;
pry vyvazie ŭ dziaržavy, ź jakimi jość pahadnieńni ab uzajemnym pryznańni srodkaŭ identyfikacyi.
Ukaz taksama vyznačaje pieralik vyrabaŭ, jakija možna nie markiravać, i ŭstanaŭlivaje sposaby naniasieńnia srodkaŭ identyfikacyi. Padrabiaznaści pakul nieviadomyja.
Kamientary