Polskija ekaaktyvisty z ruchu «Apošniaje pakaleńnie», viadomyja błakavańniem daroh, spynili praktyku pryklejvańnia siabie da asfaltu. Pryčynaj stała novaja radykalnaja taktyka palicyi.
U Polščy, jak i pa ŭsioj Jeŭropie, nabraŭ papularnaść ekałahičny ruch «Apošniaje pakaleńnie» (Ostatnie pokolenie), najbolš viadomy svaimi radykalnymi akcyjami, Adnymi z najbolš rezanansnych akcyj jaho ŭdzielnikaŭ stali błakavańni bujnych daroh, padčas jakich aktyvisty pryklejvali svaje dałoni da asfaltu, kab maksimalna ŭskładnić pracu palicyi.
Spačatku pravaachoŭniki patracili šmat hadzin na toje, kab aściarožna vyzvalić pratestoŭcaŭ i ačyścić ich ruki ad kleju. Paźniej taktyka źmianiłasia: palicejskija pačali aharodžvać pryklejenych aktyvistaŭ darožnymi konusami i stužkami prosta na prajeznaj častcy, kab zabiaśpiečyć biaśpieku ruchu, i pavolna na praciahu doŭhich hadzin adklejvali ich ad asfaltu.
Adnak u hetym hodzie polskaja palicyja z dapamohaj pažarnych pierajšła da novaha, značna bolš žorstkaha mietadu. Ciapier jany čakajuć, pakul klej kančatkova zaćviardzieje, a zatym pažarnyja zrazajuć klej vakoł ruki aktyvista razam z častkaj asfaltu. Paśla hetaha pratestoŭca adpraŭlajuć dadomu, kab jon samastojna vyrašaŭ prablemu z častkaj darožnaha pakryćcia na ruce.
Trasa S8, 9.05
Pierwsza protestująca zdjęta z ulicy z kawałkiem asfaltu pic.twitter.com/pje4FEbo8v
Tak, u mai hetaha hoda aktyvisty niekalki razoŭ pierakryvali chutkasnuju darohu S8 u Varšavie. Na adnym ź videa paśla padobnaj akcyi ŭdzielnica Julija skardzicca, što pratestoŭcy «sutyknulisia ź vielizarnym hvałtam»:
«Kiroŭcy vyciahvali nas, ciahnuli za vałasy. Mianie niekalki razoŭ siłaj adryvali ad asfaltu. Paźniej mianie adkleiła palicyja razam z kavałkam darohi».
Dziaŭčyna demanstruje svaju ruku, całkam pakrytuju zastyłym klejem z reštkami asfaltu, ale zajaŭlaje, što budzie i nadalej udzielničać u padobnych akcyjach.
Przemoc, której doświadczyły dzisiaj działaczki stanie się normą, jeśli dopuścimy do zapaści klimatycznej pic.twitter.com/tjapNTHXM3
U sacyjalnych sietkach inicyjatyvy možna znajści i inšyja fota maładych ludziej z kavałkami asfaltu na rukach, što śviedčyć pra sistemnaje vykarystańnie palicyjaj novaj taktyki.
Zdajecca, novaja taktyka palicyi dasiahnuła svajoj mety. Jak śviedčać videa z paźniejšych akcyj «Apošniaha pakaleńnia», ich udzielniki pa-raniejšamu błakujuć ruch, ale ŭžo nie ryzykujuć pryklejvać siabie da darohi.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka1
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2020
Kamientary