Hetyja lvy — adzinyja ŭ śviecie, jakija palujuć na marskuju zdabyču
Čamu jany pierasialilisia da akijana?
U Namibii hrupa pustynnych ilvoŭ pakinuła svaje tradycyjnyja palaŭničyja ŭhodździ i vypraviłasia da ŭźbiarežža Atłantyčnaha akijana — jany stali adzinymi ŭ śviecie ilvami, jakija palujuć na marskuju zdabyču. Pra ich raskazvaje Bi-bi-si.
Bielhijskaja fatohrafka Hryt Van Malderen zrabiła zdymak Hamy, adnoj z namibijskich pustynnych ilvic, jakaja navučyłasia palavać na ciuleniaŭ, kab vyžyć u surovych umovach Uźbiarežža Škiletaŭ.
Ciapier ilvicy try z pałovaj hady, jana stała hroznaj palaŭničaj, zdolnaj za adnu noč zabić da 40 ciuleniaŭ.
Fota Van Malderen atrymała asablivuju adznaku na prestyžnym konkursie Wildlife Photographer of the Year, jaki pravodzić Muziej pryrodaznaŭstva ŭ Łondanie.
Uzdoŭž Uźbiarežža Škiletaŭ žyvuć tolki 12 pustynnych ilvoŭ z ahulnaj papulacyi prykładna ŭ 80 asobin. Jany pierasialilisia z zasušlivaj pustyni da Atłantyčnaha akijana ŭ pošukach ježy, kardynalna źmianiŭšy svoj racyjon i pavodziny, kab prystasavacca da novaha asiarodździa.
Hama naležyć da pieršaha pakaleńnia ilvoŭ, jakija vyraśli na Uźbiarežžy Škiletaŭ, kaža Filip Stander, ekśpiert pa zachavańni pryrody, jaki adsočvaje namibijskich pustynnych ilvoŭ z 1980 hoda.
Pustynnyja lvy Namibii niekali žyli ŭzdoŭž Uźbiarežža Škiletaŭ u 1980‑ch hadach, ale vymušany byli adstupić uhłyb pustyni paśla zasuchi i kanfliktaŭ ź fiermierami, jakija źniščyli bolšaść papulacyi, kaža Stander. Praz bolš jak 30 hadoŭ žyvioły «znajšli šlach nazad da ŭźbiarežža».
Hetyja lvy prystasavalisia da žyćcia ŭ najbolš nieprydatnaj miascovaści, jakuju tolki možna ŭjavić — u vializnym mory piasčanych dziun biez anijakaj raślinnaści.
U 2015 hodzie ilvy znoŭ vyjšli da mora i pačali palavać na ŭźbiarežžy paśla taho, jak zasucha źniščyła ichniuju zvykłuju zdabyču ŭ hłybini kantynienta — strausaŭ, aryksaŭ i sprynhbokaŭ (vidy antyłop).
Na ŭźbiarežžy lvy jaduć u asnoŭnym bakłanaŭ, fłaminha i ciuleniaŭ.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary