U paniadziełak uviečary ŭ Litvie znoŭ byli zafiksavanyja pavietranyja šary, ale Vilenski aeraport nie zakryvali
Śpiecyjalisty nazirali za rucham kantrabandnych šaroŭ u Litvie i vyrašali, ci sapraŭdy jany laciać u napramku aeraportaŭ.
Madeinvilnius.lt
Hałoŭny daradca prezidenta Litvy pa pytańniach nacyjanalnaj biaśpieki Dejvidas Matulijonis skazaŭ, što niahledziačy na kantrabandnyja šary, jakija prylatajuć ź Biełarusi, Vilenski aeraport u paniadziełak uviečary i nočču nie byŭ zakryty dziakujučy bolš ciesnamu supracoŭnictvu pamiž ustanovami, paviedamlaje madeinvilnius.lt.
Paśla apošnich rašeńniaŭ śpiecyjalisty «Oro navigacijos» (śpiecyjalistaŭ aeraportu) atrymali mahčymaść nazirać za rucham kantrabandnych šaroŭ u Litvie i vyrašać, ci sapraŭdy jany laciać u napramku aeraportaŭ.
«Daje vynik učora pryniataja miera, kali śpiecyjalisty Oro navigacijos niepasredna ŭdzielničajuć u Centry nazirańnia za niebam Vajenna-pavietranych sił i sočać za situacyjaj u niebie», — skazaŭ D. Matulonis u efiry radyjo Žinių radijas u aŭtorak.
«Liču, što heta budzie adzin z najbolš efiektyŭnych zachadaŭ, kab dapamahčy vielmi dakładna vyznačać maršruty hetych šaroŭ i paźbiehnuć doŭhaterminovaha zakryćcia aeraporta», — dadaŭ jon.
Pavodle Matulonisa, da hetaha času śpiecyjalisty «Oro navigacijos» nie bačyli poŭnaj karciny pavietranaj prastory Litvy, bo ichnyja radyjołakacyjnyja sistemy inšaha typu.
«Kali budzie jak maha bolš ciesnaje supracoŭnictva pamiž hetymi dźviuma ŭstanovami, u bolšaści vypadkaŭ my zmožam paźbiehnuć takich incydentaŭ, jakija adbylisia na minułym tydni, kali aeraporty začynialisia na čatyry, šeść, vosiem hadzin», — adznačyŭ daradca prezidenta.
Na minułym tydni z-za vykarystańnia mietearałahičnych šaroŭ dla pieravozki kantrabandnych cyharet ź Biełarusi ŭ Litvie čatyry razy byli zakrytyja aeraporty, što ŭsiaho zakranuła bolš za 140 rejsaŭ i bolš za 20 tysiač pasažyraŭ.
Ź viečara niadzieli zakryta litoŭska-biełaruskaja miaža minimum da sierady.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj58
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Kamientary
I druhi vynik z hetaj naviny: kali b raniej adsočvali zondy z dapamohaj VPS, to aeraporty nie začyniali b (abo epizodaŭ było b mienš i jany byli b karaciejšymi), nie było b publičnych skandałaŭ, jakimi skarystałasia litoŭskaja apazicyja i nastupstvam jakich zakryćcio miažy.